அம்பத்தூர், மதுரவாயல் தொகுதிகளில் வரைவு வாக்காளர் பட்டியல் வெளியீடு|Tamilmurasu evening news paper, tamil evening news paper, tamil news paper, tamil news, tamil news

2013

Jan

அம்பத்தூர், மதுரவாயல் தொகுதிகளில் வரைவு வாக்காளர் பட்டியல் வெளியீடு

ஆவடி: அம்பத்தூர் மதுரவாயல் சட்டமன்ற தொகுதியில் வரைவு வாக்காளர் பட்டியலை அம்பத்தூர் வருவாய் கோட்டாட்சியர் அலுவலகத்தில் ஆர்டிஓ சண்முகம் நேற்று வெளியிட்டார். அம்பத்தூர் தாசில்தார் ராஜு, துணை தாசில்தார் மணிமேகலை, வருவாய் ஆய்வாளர் பாலமுருகன் ஆகியோர் இருந்தனர். மதுரவாயல் சட்டமன்ற தொகுதியில் 1 லட்சத்து 58 ஆயிரத்து 913 ஆண் வாக்காளர்களும் 1 லட்சத்து 50 ஆயிரத்து 810 பெண் வாக்காளர்களும், 56 திருநங்கைகளும் உள்ளனர்.

மொத்தம் 3 லட்சத்து 9 ஆயிரத்து 788 வாக்களர்கள் உள்ளனர். அம்பத்தூர் சட்டமன்ற தொகுதியில் 1 லட்சத்து 51 ஆயிரத்து 141 ஆண்களும், 1 லட்சத்து 43 ஆயிரத்து 919 பெண்களும், 53 திருநங்கைகள் வாக்காளர்களாக உள்ளனர். மொத்தம் 2 லட்சத்து 95 ஆயிரத்து 113 பேர் வாக்காளர்களாக உள்ளனர். இறுதி வாக்காளர் பட்டியலை அம்பத்தூர், வளசரவாக்கம் ஆகிய மண்டல அலுவலத்திலும் அம்பத்தூர் ஆர்டிஓ, தாசில்தார் அலுவலகத்திலும் மற்றும் வாக்குச்சாவடி மையத்திலும் பார்க்கலாம்.