லாரி மீது பைக் மோதி 3 தொழிலாளிகள் பலி|Tamilmurasu evening news paper, tamil evening news paper, tamil news paper, tamil news, tamil news

2012

Jul

லாரி மீது பைக் மோதி 3 தொழிலாளிகள் பலி

திருப்பதி: சித்தூர் மாவட்டம் மதனபள்ளி காந்திபுரம் பகுதியை சேர்ந்தவர்கள் ஸ்ரீகாந்த்(16), வெங்கடேஷ்(20), கங்கராஜூ(15), கட்டிட தொழிலாளிகள். இவர்கள் 3 பேரும் புங்கனூர் அடுத்த போயகொண்டா கங்கையம்மன் கோயிலுக்கு நேற்று சென்றனர். சாமி கும்பிட்டு விட்டு 3 பேரும் இரவில் பைக்கில் வீடு திரும்பினர். பைக்கை வெங்கடேஷ் ஓட்டினார். மதனபள்ளி அருகே உள்ள டிரைவர்ஸ் காலனி அருகே வந்தபோது, முன்னால் சென்ற பஸ்சை முந்திச்செல்ல முயன்றனர். அப்போது எதிர்பாராமல் எதிரே வந்த லாரி மீது பைக் மோதியது. இதில் படுகாயமடைந்த 3 பேரும் அதே இடத்தில் பரிதாபமாக இறந்தனர்.
இதுகுறித்து போலீசார் வழக்குப்பதிவு செய்து விசாரணை நடத்தி வருகின்றனர். இந்த விபத்தால் அந்தப்பகுதியில் சுமார் 2மணி நேரம் போக்குவரத்து பாதிக்கப்பட்டது.