தீபாவளிக்கு 100 டன் ஆர்டர் சேலம் வெள்ளி பொருட்கள் உற்பத்தியாளர்கள் மகிழ்ச்சி
10/21/2016 2:37:31 PM
சேலம், -சேலம் சுற்றுவட்டார பகுதியில் உற்பத்தி செய்யப்படும் வெள்ளி பொருட்கள், தமிழகத்தின் பிற மாவட்டங்கள் மற்றும் வடமாநிலங்களுக்கு அனுப்பப்படுகிறது. தற்போது 100 டன் வெள்ளி பொருட்கள் ஆர்டர் கிடைத்துள்ளதால் வியாபாரிகள் மகிழ்ச்சி அடைந்துள்ளனர். இதுகுறித்து சேலம் செவ்வாய்பேட்டை வெள்ளி வியாபாரிகள் கூறியதாவது: தீபாவளி பண்டிகையை முன்னிட்டு தமிழகத்தின் பிற மாவட்டங்கள் மற்றும் வடமாநிலங்களில் இருந்து வெள்ளி வியாபாரிகள் பேன்சி ரக கொலுசான குஷ்பு, மேனகா, அனார்கலி கொலுசு உள்பட பல வெள்ளிப்பொருட்கள் கேட்டு 100 டன் அளவுக்கு ஆர்டர் கொடுத்திருந்தனர். ஆர்டரில் 80 சதவீதம் பொருட்களின் உற்பத்தியை முடித்துவிட்டோம். தீபாவளிக்குள் மீதியையும் உற்பத்தி செய்து அனுப்பி விடுவோம்.
