கிரிக்கெட் வீரர் பிராவோவுடன் ஸ்ரேயா காதல் - கோலிவுட்டில் பரபரப்பு
10/14/2016 1:58:50 PM
மழை படத்தில் அறிமுகமாகி பிறகு சிவாஜி படத்தில் ரஜினிக்கு ஜோடியாக நடித்தவர் ஸ்ரேயா. தொடர்ந்து விஜய், விக்ரம், விஷால், தனுஷ் என முன்னணி நடிகர்களுடன் நடித்தார். வேகமாக வளர்ந்து வந்த அவருக்கு ஸ்பீட் பிரேக் போட்டதுபோல் புதிய நடிகைகளின் வரவு கடும் போட்டியாக அமைந்தது. நயன்தாரா, அனுஷ்கா, திரிஷா போன்ற முன்னணி நடிகைகளின் போட்டியையும் சமாளிக்க முடியாமல் திணறினார். இதனால் ஸ்ரேயாவுக்கு பட வாய்ப்புகள் குறைந்தது. தெலுங்கு, இந்தி படங்களிலும் தனது அதிர்ஷ்டத்ைத சோதித்தார். அதுவும் பலன் தரவில்லை. ஸ்ரேயாவுக்கு 34 வயது ஆகிறது. அக்கா, அண்ணி வேடங்களில் நடிக்கவே தற்போது வாய்ப்பு வருகிறது. இதற்கிடையில் சிம்பு நடிக்கும் அன்பானவன் அசராதவன் அடங்காதவன் படத்தில் அவருக்கு ஜோடியாக நடிக்கிறார். தெலுங்கில் என்டி பாலகிருஷ்ணா ஜோடியாக ‘கவுதமிபுத்ரா சட்கர்ணி’யில் ராணி கெட்டப்பில் நடிக்கிறார்.
ஸ்ரேயாவுக்கு திருமணம் செய்துவைக்க அவரது பெற்றோர் முடிவு செய்துள்ளனர். மாப்பிள்ளை தேடும் படலமும் நடக்கிறது. இந்நிலையில் மேற்கு இந்திய தீவு கிரிக்கெட் வீரர் வெய்ன் பிராவோவுடன் அவருக்கு காதல் மலர்ந்துள்ளதாக பரபரப்பான தகவல் வெளியாகி இருக்கிறது. சமீபத்தில் மும்பையில் உள்ள ரெஸ்டாரன்ட் ஒன்றுக்கு ஜோடியாக சென்ற இருவரும் அருகருகே அமர்ந்து உணவு சாப்பிட்டனர். நீண்ட நேரம் ஜாலியாக பேசிக்கொண்டிருந்தவர்கள் பிறகு அங்கிருந்து புறப்பட்டனர். இந்த ஜோடியை சிலர் செல்போனில் படம் பிடித்தனர். அதை அவர்கள் கண்டுகொள்ளாததுபோல் நடந்து சென்றனர். இருவருக்கும் காதல் மலர்ந்திருப்பதாகவும் திருமணம் செய்துகொள்ள முடிவு செய்திருப்பதாகவும் கோலிவுட்டில் பரபரப்பாக பேசப்படுகிறது.
பிராவோவை பொறுத்தவரை இந்திய கிரிக்கெட் ரசிகர்களுக்கு பிடித்தமானவர்களில் ஒருவராக திகழ்கிறார். அவரது ‘கண்ணம்’ ஸ்டைல் நடனம் ரசிகர்கள் மத்தியில் மட்டுமல்லாமல் சினிமா நட்சத்திரங்கள் மத்தி யிலும் பிரபலம் ஆகும்.
