விஷால் படத்திலிருந்து விலகுகிறார் ரகுல்?
10/14/2016 1:58:24 PM
தமிழில் 2 படங்களில் நடித்த ரகுல் ப்ரீத் சிங் தெலுங்கில் மளமளவென நடிக்க ஒப்பந்தம் ஆனார். தமிழில் மீண்டும் நடிக்க கால்ஷீட் ஒதுக்க முடியாதளவுக்கு பிஸியாக நடித்துக்கொண்டிருந்தார். தற்ேபாது மகேஷ்பாபு நடிக்கும் தனி ஒருவன் தெலுங்கு ரீமேக் உள்ளிட்ட சில படங்களில் நடித்து வருகிறார். இந்நிலையில் விஷால் நடிக்கும் துப்பறிவாளன் படம் மூலம் மீண்டும் தமிழில் ரீஎன்ட்ரி ஆவதாக தெரிவித்தார் ரகுல். இப்படத்தை மிஷ்கின் இயக்குகிறார். தற்போது இதில் திடீர் மாற்றம் ஏற்படும் என்று பேச்சு எழுந்துள்ளது.
ராம் சரண் படத்திற்கு கால்ஷீட் ஒதுக்கியுள்ள ரகுல் ப்ரீத், துப்பறிவாளன் படத்துக்கு போதுமான கால்ஷீட் ஒதுக்கி தர முடியாமல் தவிக்கிறாராம். இதையடுத்து படத்திலிருந்து விலகி கொள்ள முடிவு செய்திருப்பதாக கூறப்படுகிறது. அவருக்கு பதிலாக மலையாள நடிகை அனு இமானுவேல் நடிப்பார் என்று தெரிகிறது.
