கோபா அமெரிக்கா கால்பந்து: பிரேசில் கோல் மழை கோடின்ஹோ ஹாட்ரிக்
6/9/2025 2:38:48 PM
ஓர்லாண்டோ: கோபா அமெரிக்கா கால்பந்து தொடரில், ஓர்லாண்டோ நகரில் இந்திய நேரப்படி இன்று அதிகாலை 5 மணிக்கு நடந்த போட்டியில், பிரேசில்-ஹைதி அணிகள் மோதின. ஆட்டம் துவங்கியது முதலே பிரேசில் அணி கோல் மழை பொழிய துவங்கியது. 14வது, 28வது நிமிடங்களில் பிரேசில் அணியின் கோடின்ஹோ கோல் அடித்தார். 35வது நிமிடத்தில் ஆகஸ்டோ ஒரு கோல் அடிக்க, முதல் பாதியில் 3-0 என்ற கோல் கணக்கில் பிரேசில் வலுவான முன்னிலை பெற்றது. 2வது பாதியிலும் பிரேசிலின் ஆதிக்கமே தொடர்ந்தது. 59வது நிமிடத்தில் பிரேசிலின் கேப்ரியல் ஒரு கோல் அடித்தார். 90 நிமிடங்கள் முடிந்ததும், கூடுதலாக 2 நிமிடங்கள் அளிக்கப்பட்டது. அதிலும் கோடின்ஹோ ஒரு கோலை அடித்து, ஹாட்டரிக்கை பதிவு செய்தார். முடிவில் பிரேசில் 7-1 என்ற கோல் கணக்கில் அபார வெற்றி பெற்றது. ஹைதி அணிக்கு 70வது நிமிடத்தில் மார்சிலின் மட்டும் ஆறுதல் கோல் அடித்தார். தனது முதல் ஆட்டத்தில் ஈக்வாடரிடம் கோல்களின்றி டிரா கண்டிருந்த பிரேசில், பிரமாண்ட வெற்றியை பதிவு செய்துள்ளது. ஹைதி அணி தனது முதல் ஆட்டத்தில் பெருவிடம் 1-0 என்ற கோல் கணக்கில் தோல்வியை சந்தித்து இருந்தது. தற்போது 2வது தோல்வியை பெற்றுள்ளது.
