தாதாவாக நடிக்கிறார் அஜீத்
6/9/2025 2:35:59 PM
ரஜினியின் பில்லா ரீமேக்கில் நடித்த அஜீத், அதில் கடத்தல் மன்னனாக 2 பாகத்திலும் நடித்தார். ஆக்ஷன் பாணி கதைக்கு வரவேற்பு அதிகரிக்கவே அதேபாணியில் படங்களை தொடர எண்ணி உள்ளார். ‘வேதாளம்’ படத்தில் அடிதடிக்கு முக்கியத்துவம் கொடுத்து நடித்தார். அடுத்து நடிக்கும் படத்திலும் தாதாவாக நடிக்க உள்ளார். வீரம், வேதாளம் படங்களை இயக்கிய சிவா இயக்க உள்ளார்.இதன் முதல்கட்ட படப்பிடிப்பு ஐரோப்பாவில் ஜூலை மாதம் தொடங்க உள்ளது. இசை அமைக்கும் பணியை அனிருத் மேற்கொண்டிருக்கிறார். வேதாளம் படத்துக்கு ஒளிப்பதிவு செய்த வெற்றி இப்படத்துக்கும் ஒளிப்பதிவாளராக பணியாற்றுகிறார். சத்யஜோதி பிலிம்ஸ் தயாரிக்க உள்ளது. இதில் நடிக்கும் மற்ற நட்சத்திரங்கள் பற்றிய விவரத்தை விரைவில் பட நிறுவனம் வெளியிட உள்ளது.
