பிரெஞ்ச் ஓபன் டென்னிஸ்: 2வது சுற்றுக்கு முன்னேறினார் ரத்வான்ஸ்கா
5/24/2016 4:40:38 PM
பாரிஸ்: கிராண்ட்ஸ்லாம் போட்டிகளில் ஒன்றான பிரெஞ்ச் ஓபன் டென்னிஸ் தொடர், பாரீசில் நடந்து வருகிறது. இதில், மகளிர் ஒற்றையர் முதல் சுற்றில் உலக தரவரிசையில் 2வது இடத்தில் உள்ள போலந்து வீராங்கனை அக்னீஸ்கா ரத்வான்ஸ்கா, செர்பியாவின் போஜனா ஜோவானஸ்கியை வீழ்த்தி, 2வது சுற்றுக்கு தகுதி பெற்றுள்ளார். ரத்வான்ஸ்கா 6-0, 6-2 என்ற நேர் செட் கணக்கில் ஜோவானாஸ்கியை வீழ்த்தினார். 2வது சுற்றில் ரத்வான்ஸ்கா, கரோலினா கார்சியாவை எதிர்கொள்கிறார். இதனிடையே களிமண் களத்தில் தற்போது சிறப்பாக முன்னேற்றம் கண்டு வருவதாக ரத்வான்ஸ்கா கூறியுள்ளார். அவர் 2வது சுற்றில் எதிர்கொள்ள உள்ள கரோலினா கார்சியா, கடந்த சில நாட்களுக்கு முன் நடந்த ஸ்டார்ஸ்போர்க் களிமண் கள தொடரில் சாம்பியன் பட்டம் வென்றவர் என்பது குறிப்பிடத்தக்கது. இது குறித்து ரத்வான்ஸ்கா கூறுகையில், இது நிச்சயம் மாறுபட்ட போட்டியாக இருக்கும் என்றார்.
