இளம் வயதில் 10 ஆயிரம் ரன்கள் சச்சினின் சாதனையை உடைக்கிறார் குக்
5/5/2025 2:24:53 PM
லண்டன்: இலங்கை கிரிக்கெட் அணி இங்கிலாந்தில் சுற்றுப்பயணம் மேற்கொண்டு 3 டெஸ்ட் போட்டிகள் கொண்ட தொடரில் விளையாடுகிறது. இதில், முதல் டெஸ்ட் ஹெட்டிங்கிலி லீட்சில் வரும் 19ம் தேதி துவங்குகிறது. இந்த போட்டியில் இங்கிலாந்து கேப்டன் குக், இந்திய மாஸ்டர் பேட்ஸ்மேன் சச்சினின் சாதனையை முறியடிக்கும் வாய்ப்பு உருவாகிஉள்ளது. சச்சின் டெண்டுல்கர் தனது 10 ஆயிரமாவது டெஸ்ட் ரன்னை, கடந்த 2005ம் ஆண்டு மார்ச் மாதம் கொல்கத்தாவில் நடந்த பாகிஸ்தானுக்கு எதிரான போட்டியின் போது கடந்தார். அப்போது அவருக்கு வயது 31 ஆண்டுகள் 10 மாதங்கள் மட்டுமே. இதன் மூலம் மிக இளம் வயதில், 10 ஆயிரம் ெடஸ்ட் ரன்களை கடந்த வீரர் என்ற சாதனையை சச்சின் படைத்தார்.
இதனிடையே குக் தற்போது டெஸ்ட்டில் 9,964 ரன்களை குவித்துள்ளார். 10 ஆயிரம் ரன்கள் என்ற மைல்கல்லை எட்ட அவருக்கு இன்னும் 36 ரன்கள் மட்டுமே தேவைப்படுகிறது. அவர் வரும் டிசம்பர் 25ம் தேதிதான் தனது 32வது வயதில் அடியெடுத்து வைக்கிறார். இந்நிலையில் இந்த 36 ரன்களை லீட்ஸ் டெஸ்டில் குக் எடுக்கும் பட்சத்தில், மிக இளம் வயதில் 10 ஆயிரம் டெஸ்ட் ரன்கள் என்ற சச்சினின் சாதனையை உடைத்து விடுவார். ஏறத்தாழ சச்சினுக்கு 5 மாதங்களுக்கு முன்பே இந்த சாதனையை குக் படைக்கும் வாய்ப்பு உருவாகியுள்ளது. மேலும் 10 ஆயிரம் டெஸ்ட் ரன்களை கடக்கும் முதல் இங்கிலாந்து வீரர், சர்வதேச அளவில் 12வது வீரர் என்ற சாதனைகளும் அவர் வசம் செல்லும் என்பது குறிப்பிடத்தக்கது.
