ராம்விலாஸ் பஸ்வானுடன் நடிகர் கார்த்திக் சந்திப்பு
4/21/2016 2:15:38 PM
புதுடெல்லி: தமிழக தேர்தல் களம் விறுவிறுப்படைய தொடங்கியுள்ளது. இந்நிலையில் நாடாளும் மக்கள் கட்சியின் தலைமையில் ‘விடியல் கூட்டணி’ என்ற புதிய அணியை கடந்த 16ம் தேதி கட்சியின் தலைவர் நடிகர் கார்த்திக் அறிவித்தார். அந்த கூட்டணியில் நாடாளும் மக்கள் கட்சி, லோக் ஜனசக்தி, மக்கள் மாநாட்டு கட்சி, தமிழக மக்கள் கட்சி, தலித் சேனா, இந்திய மூவேந்தர் முன்னேற்றக் கழகம் ஆகிய கட்சிகள் இடம்பெற்றுள்ளன. இதை தொடர்ந்து கூட்டணியின் ஒருங்கிணைப்பாளர் கார்த்திக், லோக் ஜனசக்தி கட்சித் தலைவரும் மத்திய அமைச்சருமான ராம்விலாஸ் பஸ்வானை டெல்லியில் நேற்று சந்தித்தார்.இந்த சந்திப்புக்கு பின் அவர் நிருபர்களிடம் கூறியதாவது:விடியல் கூட்டணியின் மூத்த தலைவர் என்ற முறையில் லோக் ஜனசக்தி தலைவர் ராம்விலாஸ் பஸ்வானை சந்தித்தேன். அவர் பல கருத்துக்களையும், ஆலோசனைகளையும் வழங்கினார். தேர்தலில் நமது கூட்டணி மிகப் பெரிய சக்தியாக திகழ வேண்டும் என கூறினோம். இந்த கூட்டணி இந்த தேர்தலோடு முடிந்து விடாமல், எதிர்வரும் ஆண்டுகளிலும் தொடர வேண்டும் என அவர் எதிர்பார்க்கிறார். தேர்தல்பிரச்சாரத்தில் பஸ்வான் கலந்து கொள்வதாக கூறியுள்ளார். அதற்கான தேதி பின்னர் அறிவிக்கப்படும்இவ்வாறு கார்த்திக் கூறினார்.
can i take xyzal in the morning
read can i take xyzal in the morning
