ஸ்டார் ஓட்டல் பாத்ரூமில் குளிக்க மறுத்தார் சமந்தா
3/23/2016 2:18:25 PM
சமந்தா கிளாமர் விஷயத்தில் குறைவைப்பதில்லை. ஆனால் இன்னும் கிளாமர் ஹீரோயின் அந்தஸ்த்தை முழுமையாக பெறாததால் சோகத்தில் இருக்கிறார். 2 வருடத்துக்கு முன் தெலுங்கில் ‘அத்தரின்டிக்கி தரெடி’ படத்தில் பாத்ரூம் குளியல் காட்சிக்காக டவல் கட்டிக்கொண்டு நடித்தார். அக்காட்சி படத்தில் இடம்பெறவில்லை. ஆனால் இணைய தளங்களில் ஸ்டில் வெளியாகி பரபரப்பை ஏற்படுத்தியது. நீண்ட நாட்களுக்கு பிறகு அவருக்கு மற்றொரு பாத்ரூம் காட்சியில் நடிக்க வேண்டிய நிலை உருவானது. திரிவிக்ரம் இயக்கும் ‘எ ஏ’ படத்தில் நிதின் ஜோடியாக நடித்து வருகிறார் சமந்தா. இதற்காக பாத்ரூம் குளியல் காட்சி படமாக்க திட்டமிடப்பட்டது. ஸ்டார் ஓட்டல் பாத்ரூமில் காட்சியை படமாக்க இயக்குனர் ஏற்பாடு செய்தார். சமந்தாவிடம் ஷூட்டிங்பற்றி தெரிவித்தபோது ஸ்டார் ஓட்டல் பாத்ரூமில் நடிக்க மறுத்துவிட்டார். பிறகு அவருக்காக ஸ்டுடியோ ஒன்றில் ஸ்பெஷல் பாத்ரூம் செட் அமைத்து அதில் காட்சி படமாக்கப்பட்டது.
