நயன்தாரா விலகல்: பார்வதி என்ட்ரி
3/18/2016 2:51:18 PM
நயன்தாரா நடித்துள்ள ‘இது நம்ம ஆளு’, ‘திருநாள்’ படங்கள் விரைவில் திரைக்கு வரவுள்ளது. அடுத்து ‘இருமுகன்’, ‘காஷ்மோரா’ மற்றும் 2 தெலுங்கு படம் என 4 படங்களில் நடித்து வருகிறார். இந்தியில் கங்கனா ரனாவத் நடித்த ‘குயின்’ படம் தமிழில் ரீமேக் ஆக உள்ளது. தியாகராஜன் இப்படத்தை தயாரிக்கிறார். நடிகை ரேவதி இயக்க உள்ளார். இதில் நடிக்க சில ஹீரோயின்கள் தனிப்பட்ட முறையில் விருப்பம் தெரிவித்தனர். நயன்தாரா நடித்தால் பொருத்தமாக இருக்கும் என பட குழு விரும்பியது. நயன்தாராவிடம் கால்ஷீட் கேட்டபோது மறுத்துவிட்டார். ‘கைவசம் நிறைய படங்கள் நடிக்க ஒப்புக்கொண்டிருப்பதால் கால்ஷீட் ஒதுக்க முடியவில்லை’ என நயன்தாரா தரப்பில் விளக்கம் தரப்படுகிறது. இவர் விலகியதையடுத்து பார்வதியிடம் கால்ஷீட் கேட்கப்பட்டது. அவர் நடிக்க சம்மதித்தார்.
