கெஸ்ட் ரோலில் கமல் நடிக்க ஒப்புக்கொண்டது எப்படி?
3/15/2016 3:08:55 PM
80களில் ரஜினி, கமல் போன்றவர்கள் சக நட்சத்திரங்கள் அல்லது இயக்குனர்களின் வேண்டுகோளை ஏற்று அவர்களது படங்களில் கெஸ்ட் ரோலில் நடிப்பதுண்டு, அன்புள்ள ரஜினிகாந்த், பரீட்சைக்கு நேரமாச்சு படங்களில் இதுபோல் நடித்துள்ளனர். படத்திற்கு இதைவொரு வியாபார யுக்தியாக சிலர் மாற்றிக்கொண்டு அணுகியபோது கெஸ்ட் ரோல் கதாபாத்திரங்களில் நடிப்பதை மூட்டை கட்டி வைத்தனர். ‘மகளிர் மட்டும் படத்தை கமலே தயாரித்திருந்தார். இதில் நாசர் ஹீரோவாக நடித்தார். இப்படத்தில் கெஸ்ட் ரோலில் கமல் நடித்திருந்தார்.
நீண்ட இடைவெளிக்கு பிறகு தற்போது புதிய படமொன்றில் கெஸ்ட் ரோலில் நடிக்கிறார் கமல். சிவாஜியின் பேரன் துஷ்யந்த் தயாரிக்கும் ‘மீன் குழம்பும் மண்பானையும்’ படத்தில் அவர் நடித்த காட்சிகள் படமானது. சிவாஜியின் குடும்ப நண்பர் கமல், பிரபுவுடன் நெருக்கமான நட்பும் கொண்டிருப்பதால் அவரது வேண்டுகோளை கமல் உடனடியாக ஏற்றுக்கொண்டார். கமலுடன் பிரபு இணைந்து நடித்த காட்சி சமீபத்தில் படமாக்கப்பட்டது. அமுதன் இயக்கினார். மீசை இல்லாமல் புதிய தோற்றத்தில் படப்பிடிப்புக்கு வந்த கமலை பிரபு, துஷ்யந்த் வரவேற்றனர்.
