விஜய் சேதுபதியுடன் ஜோடி சேரவிரும்பும் ஹீரோயின்கள்
3/14/2016 2:52:20 PM
‘நானும் ரவுடிதான்’ படத்தில் விஜய் சேதுபதி ஜோடியாக நயன்தாரா நடித்தார். விக்னேஷ் சிவன் இயக்கிய இப்படம் வரவேற்பு பெற்றதையடுத்து அதே காம்பினேஷனில் மற்றொரு படம் உருவாக்க டீம் முடிவு செய்தது. இம்முறை கூடுதலாக திரிஷாவையும் ஹீரோயினாக்க முயற்சி மேற்கொள்ளப்பட்டது. முதலில் ஓ.கே சொன்ன திரிஷா சம்பள விஷயத்தில் சமரசம் செய்துகொள்ளாமல் விலகினார். அவருக்கு பதிலாக வேறு ஹீரோயினை தேடும் பணி நடந்தது.ரஜினியுடன் 2.0 படத்தில் நடித்து வரும் எமி ஜாக்ஸன் பொருத்தமாக இருப்பார் என்று பட குழுவினர் ஆலோசனை கூறியதையடுத்து அவரை ஹீரோயினாக்க இயக்குனர் முடிவு செய்திருக்கிறார். டாப் ஹீரோயின்களுடன் ஜோடிபோட்டு வரும் விஜய் சேதுபதி அடுத்து ‘கோ’, ‘அயன்’, ‘அனேகன்’, ‘மாற்றான்’ படங்களை இயக்கிய கே.வி.ஆனந்த் இயக்கத்திலும் நடிக்க உள்ளார். இதிலும் அவருக்கு ஜோடியாக நடிக்க முன்னணி ஹீரோயினை தேடும் படலம் நடக்கிறது. தொடர் ஹிட் படங்கள் கொடுப்பதால் முன்னணி ஹீரோயின்களும் அவருடன் நடிக்க தூது விடுகிறார்களாம்.
