13 வயது சிறுமிக்கு அம்மாவான அமலா பால்
3/14/2016 2:51:38 PM
‘நில் பேட்டி சன்னாடா’ இந்தி படம் ரீமேக்காக தமிழில் உருவாகிறது ‘அம்மா கணக்கு’. தனுஷ் தயாரிக்கிறார். இதில் 13 வயது பெண்ணுக்கு அம்மாவாக நடிக்கிறார் அமலாபால். இதுபற்றி அவர் கூறியது:. நில் பேட்டி சன்னாடா படத்தை பார்த்தேன். அதில் வரும் அம்மா வேடம்போல் வாய்ப்பு கிடைத்தால் நன்றாக இருக்கும் என்று எண்ணினேன். அப்போது என்னை தொடர்பு கொண்ட தனுஷ், தமிழில் அப்படத்தை ரீமேக் செய்ய உள்ளதாகவும், அம்மா வேடத்தில் நடிக்க விருப்பமா என்றும் கேட்டார். எதிர்பார்த்த வேடம் கிடைத்ததால் ஏற்றுக்கொண்டேன்.
முன்னதாக இதுபற்றி எனது கணவர் விஜய்யிடம் கூறினேன். முதலில் தயங்கினார். ஸ்கிரிப்ட் சொன்னபோது ஓகே சொன்னார். விஜய்யிடம் நான் நடிக்கும் ஒவ்வொரு படம் பற்றியும் ஆலோசிப்பேன். கதாபாத்திரத்தை தேர்வு செய்யும் சுதந்திரத்தை எனக்கு தந்துவிடுவார். திருமணத்துக்கு பிறகும் நான் கதைகள் தேர்வு செய்வதை மாற்றிக்கொள்ளவில்லை. என்னை கவரும் வேடத்துக்காகவே காத்திருக்கிறேன். இவ்வாறு அமலாபால் கூறினார்.
