தெ.ஆ.வுடன் இன்று பயிற்சி போட்டி பலத்தை நிரூபிக்குமா இந்தியா?
3/12/2025 4:48:33 PM
மும்பை: உலக கோப்பை டி20 கிரிக்கெட் தொடரின் சூப்பர் 10 ஆட்டம் வரும் 15ம் தேதி தொடங்க உள்ள நிலையில் தற்போது தகுதி சுற்று மற்றும் பயிற்சி போட்டிகள் நடந்து வருகிறது. மும்பையில் இன்று இரவு 7.30 மணிக்கு துவங்கும் பயிற்சி போட்டி ஒன்றில் இந்திய அணி தென் ஆப்பிரிக்காவுடன் மோத உள்ளது. தொடர் வெற்றி மற்றும் வெ.இ.வுடன் முதல் பயிற்சி போட்டியில் வெற்றி பெற்ற உற்சாகத்தில் இந்தியா களம் இறங்குகிறது. பேட்டிங், பந்து வீச்சு, பீல்டிங் என அனைத்து துறையிலும் வலுவாக உள்ள இந்திய அணி உலக கோப்பையை வெல்லும் அணிகளில் ஒன்றாக கணிக்கப்பட்டுள்ளது. வரும் 15ம் தேதி பாகிஸ்தானுடன் முதல் போட்டியில் மோத உள்ள நிலையில், இந்த போட்டி இந்திய அணிக்கு சிறந்த பயிற்சி களமாக இருக்கும். டுபிளசிஸ் தலைமையிலான தென் ஆப்பிரிக்க அணி அண்மையில் சொந்த மண்ணில் ஆஸி.யுடன் தொடரை இழந்ததால் இன்றைய போட்டியில் வெற்றி பெறுவது அந்த அணிக்கு நம்பிக்கையை அதிகரிக்கும். இதனால் அந்த அணியும் முழுபலத்துடன் களம் இறங்குகிறது.
