இந்தியா கோப்பையை வெல்ல அதிக வாய்ப்பு டுபிளசிஸ் பேட்டி
3/12/2025 4:48:13 PM
மும்பை: உலக கோப்பை டி20 போட்டியில் பங்கேற்கும் தென்ஆப்பிரிக்க அணி நேற்று மும்பை வந்தடைந்தது. அங்கு தெ.ஆ. கேப்டன் டுபிளசிஸ் அளித்த பேட்டி: உலக கோப்பை போட்டி கடும் சவாலானது. ஆனால் இந்திய மைதானங்களில் எப்போதும் நாங்கள் சிறப்பாக ஆடி இருக்கிறோம். ஆஸி.யுடன் தொடரை இழந்தாலும், இங்கு சிறப்பாக ஆடுவோம் என்ற நம்பிக்கை உள்ளது. உலக கோப்பையில் எல்லா அணிகளுக்கும் வெற்றி வாய்ப்பு உள்ளது. ஆனாலும் அண்மைக்காலமாக சிறப்பாக விளையாடி வரும் இந்திய அணி கோப்பையை வெல்ல அதிக வாய்ப்பு இருப்பதாக கருதுகிறேன். நாங்களும் கோப்பையை நெருங்கி விடுவோம் என்ற நம்பிக்கை உள்ளது. ஐபிஎல்லில் விளையாடிய அனுபவம் எங்களுக்கு கைகொடுக்கும்.
