காங்கிரஸ் கட்சியின் வருவாய் ரூ. 1687 கோடி பாஜ ரூ. 1,475.44 கோடி
3/12/2025 4:42:28 PM
புதுடெல்லி: இந்தியாவிலேயே அதிக வருவாய் உள்ள கட்சிகளில் காங்கிரஸ் முதல் இடத்தில் உள்ளது. இதன் வருவாய் ரூ.1687.12 கோடி.ஜனநாயக சீர்திருத்த கூட்டமைப்பு என்ற தன்னார்வ தொண்டு நிறுவனம் நடத்திய சர்வேயில், கடந்த 2010-11 முதல் முதல் 2013-14 வரையிலான கால கட்டத்தில் கட்சிகளின் வருமானம் குறித்து தெரிவிக்கப்பட்டுள்ளது. அதில், அந்த கால கட்டத்தில் அதிகமான வருவாயை கொண்டு முதல் இடத்தில் காங்கிரஸ் முதல் இடத்தில் உள்ளது. அதன் வருவாய் ரூ.1,687.12 கோடி என்று தெரிவிக்கப்பட்டுள்ளது. இதற்கு அடுத்தபடியாக பாஜ ரூ.1,475.44 கோடி என தெரிவிக்கப்பட்டுள்ளது.பாஜ, காங்கிரஸ், தேசிய வாத காங்கிரஸ் ஆகிய தேசிய கட்சிகளின் கடந்த 5 ஆண்டு கால மொத்த வருவாய் ரூ.4,261.23 கோடி என தெரியவந்துள்ளது.
வருமான வரி கணக்கு விவரங்கள், நன்கொடை அளித்த விவரங்கள் உள்ளிட்டவற்றை கொண்டு இந்த சர்வே தயார் செய்யப்பட்டுள்ளது. இதே கால கட்டத்தில் சிபிஎம் ரூ.552.30 கோடி, பகுஜன் சமாஜ் ரூ.391.21 கோடி, இந்திய கம்யூனிஸ்ட் ரூ.9.02 கோடியை மட்டுமே திரட்டியுள்ளன.புத்தகங்கள், ரசீதுகள் போன்றவற்றை விற்பனை செய்ததன் வாயிலாக மட்டும் காங்கிரஸ் கட்சிக்கு ரூ.1,311.96 கோடி கிடைத்துள்ளது. இது மொத்த வருமானதத்தில் 77.7 சதவீதமாகும்.பாஜவுக்கு தன்னார்வ பங்களிப்பின் மூலமாக மட்டும் 87.93 சதவீத வருவாய், அதவாது ரூ.1297.37 கோடி கிடைத்துள்ளது. ஆனால் காங்கிரசுக்கு நன்கொடை மூலமாக வெறும் 10 சதவீதம் என்ற அளவில் ரூ.184.408 கோடிதான் கிடைத்துள்ளது. பகுஜன் சமாஜூக்கு பாதிக்கு பாதி அதன் வருவாய் என்பது தன்னார்வ நன்கொடையாளர்கள் மூலமாக ரூ.212.78 கோடி கிடைத்துள்ளது என்றும் அதில் கூறப்பட்டுள்ளது.
