புழல் பகுதிகளில் தமாகா கொடியேற்று விழா யுவராஜா பங்கேற்பு
3/7/2025 2:27:04 PM
புழல்: திருவள்ளூர் மாவட்ட தமாகா சார்பில் புழல் சைக்கிள் ஸ்டாப், காந்தி பிரதான சாலை ஆகிய பகுதிகளில் நேற்று தமாகா கொடியேற்று விழா நடைபெற்றது.இந்நிகழ்ச்சிக்கு மாதவரம் மேற்கு பகுதி தமாகா தலைவர் மணி தலைமை தாங்கினார். நிர்வாகிகள் இயேசு காந்தி, மகாலிங்கம் முன்னிலை வகித்தனர்.தமாகா மாநில இளைஞரணி தலைவர் யுவராஜா சிறப்பு அழைப்பாளராகக் கலந்துகொண்டு, தமாகா கொடிகளை ஏற்றிவைத்து, அப்பகுதி மக்களுக்கு இனிப்புகளை வழங்கினார். தமாகா நிர்வாகிகள் புழல் ராஜகுமார், ஜெனிபர், நிஷாந்த் உள்ளிட்ட பலர் கலந்து கொண்டனர்.
