ஆஸி.யுடன் முதல் டி.20 போட்டி மில்லர் அதிரடியில் தென்ஆப்பிரிக்கா வெற்றி
3/5/2025 1:03:48 PM
டர்பன்: ஆஸ்திரேலிய கிரிக்கெட் அணி, தென் ஆப்பிரிக்காவில் சுற்றுப்பயணம் மேற்கொண்டு 3 டி20 போட்டி கொண்ட தொடரில் விளையாடுகிறது. இரு அணிகள் இடையே முதல் டி20 போட்டி டர்பனில் நேற்று இரவு நடந்தது. டாஸ் வென்ற ஆஸ்திரேலியா அணி முதலில் பேட்டிங் செய்தது. கவாஜா 9 ரன்னில் வெளியேற, பிஞ்ச் 18 பந்தில் 2 பவுண்டரி, 4 சிக்சருடன் 40 ரன் எடுத்தார். வார்னர் 20 (11 பந்து), மிட்செல் மார்ஷ் 35 ரன் (25 பந்து) அடித்தனர். 20 ஓவரில் ஆஸி. அணி 9 விக்கெட் இழந்து 157 ரன் எடுத்தது. தெ.ஆ. தரப்பில் இம்ரான் தாகீர் 3, வைசி, ரபாடா தலா 2 விக்கெட் சாய்த்தனர்.
பின்னர் களம் இறங்கிய தெ.ஆ. அணியின் டி வில்லியர்ஸ் முதல் பந்திலேயே டக் அவுட் ஆனார். டிகாக் 7 ரன்னில் வெளியேற கேப்டன் டுபிளசிஸ் 26 பந்தில் 40 ரன் எடுத்தார். 72 ரன்னுக்கு 5 விக்கெட் இழந்து தெ.ஆ. தடுமாறிய நிலையில், டேவிட் மில்லர் 35 பந்தில் 3 பவுண்டரி, 3 சிக்சருடன் 53 ரன் விளாசி அணியை வெற்றிப்பாதைக்கு அழைத்துச் சென்றார். 19.2 ஓவரில் தெ.ஆ. அணி 7 விக்கெட் இழந்து 158 ரன் எடுத்து, 3 விக்கெட் வித்தியாசத்தில் வெற்றி பெற்றது. ஆட்டம் இழக்காமல் 53 ரன் விளாசிய மில்லர் ஆட்டநாயகன் விருது பெற்றார். 2வது டி20 போட்டி ஜோகன்னஸ்பர்க்கில் நாளை நடக்கிறது.
