மேரேஜுக்கு துடிக்கும் ஹீரோ விலகி ஓடும் ரெஜினா
3/5/2025 1:02:43 PM
‘கேடி பில்லா கில்லாடி ரங்கா’ நாயகி ரெஜினா முக்கி முணகி இப்போதுதான் கவர்ச்சி ஹீரோயின் லிஸ்ட்டில் இடம் பிடித்திருக்கிறார். அதை நிலைநிறுத்திக்கொள்வதற்காக பொது நிகழ்ச்சிகளுக்கும் கவர்ச்சி உடைகளில் வருகிறார். இதற்கிடையில் அவர் காதல் வலைக்குள் சிக்கி இருப்பதாக அடிக்கடி தகவல் கசிந்து பின்னுக்கு இழுக்கிறது. அதற்கு பலம் சேர்ப்பது போல் டோலிவுட் ஹீரோ சாய் தரம் தேஜ், ரெஜினாவை திருமணம் செய்துகொள்ள விரும்புவதாக ஸ்டேட்மென்ட் விட்டிருக்கிறார்.
ரெஜினாவை காதலிப்பதாகவும் காதலை முடிவுக்கு கொண்டுவந்து அவரை மணக்க விரும்புவதாகவும் கூறும் சாய் தரம் அவரை தனது தாயிடம் அழைத்துச் சென்று ஆசி பெற்று மணக்க ஆசைப்படுவதாக குறிப்பிட்டுள்ளார். அதைக்கேட்டு ஷாக் ஆன ரெஜினா, சாய் தரமின் திருமண விருப்ப ஸ்டேட்மென்ட்டை நிராகரித்திருக்கிறார். ‘நிறைய படங்களில் நடிக்கும் எண்ணத்துடன் இருக்கும் ரெஜினா தற்போதைக்கு திருமணம் செய்யும் எண்ணத்தில் இல்லை. இத்தருணத்தில் திருமணத்தில் ஆர்வமும் காட்டவில்லை’ என அவரது தரப்பு தெரிவித்திருக்கிறது.
