சத்யராஜ் பட ஹீரோயின் பிரேமா விவாகரத்து
3/4/2025 2:50:42 PM
ஒரு பக்கம் திருமணம் மறுபக்கம் டைவர்ஸ் என நடிகர், நடிகைகளின் வாழ்க்கை சென்றுக்கொண்டிருக்கிறது. இதையெல்லாம் கருத்தில் கொண்டே பல நடிகைகள் திருமணத்துக்கு மாற்றாக லிவிங் டு கெதர் பாணியை கையிலெடுக்கத் தொடங்கி இருக்கின்றனர். பிடிக்கும்வரை ஒன்றாக வாழ்வது. கருத்துவேறுபாடு ஏற்பட்டால் நீ யாரோ, நான் யாரோ என்று பிரிவது என்ற பாணி நட்சத்திரங்களிடையே பரவி வருகிறது. கூட்டி கழித்து பார்த்தால் இந்த பட்டியலில் கோலிவுட், பாலிவுட்டில் நிறைய நட்சத்திரங்களை பட்டியலிட முடியும்.
சத்யராஜ் ஜோடியாக ‘அழகேசன்’ படத்தில் நடித்ததுடன் ‘தாயே புவனேஸ்வரி’ படத்திலும் நடித்தவர் பிரேமா. கன்னடம், தெலுங்கில் ஏராளமான படங்களில் நடித்திருக்கிறார். கடந்த 2006ம் ஆண்டு தொழில் அதிபர் ஜீவன் அப்பச்சு என்பவரை மணந்தார். சில வருடங்களாகவே இவர்களுக்குள் கருத்துவேறுபாடு ஏற்பட்டது. இருவரும் விவாகரத்து செய்துகொள்ள முடிவு செய்தனர். இதையடுத்து பெங்களூர் குடும்ப நல கோர்ட்டுக்கு சென்று இருவரும் விவாகரத்துக்கு மனு செய்தனர். சில வருடங்களாக பிரிந்து வாழ்வதாகவும் அவர்களை இணைத்து வைக்க நடந்த பேச்சு வா ர்த்தையில் சமரசம் ஏற்படவில்லை என்றும் கூறப்படுகிறது.
