கன்னட ஹீரோவுடன் காதல் ரகசியம் உடைத்த மேக்னா
10/8/2025 2:32:55 PM
காதல் சொல்ல வந்தேன், உயர்திரு 420, நந்தா நந்திதா பட ஹீரோயின் மேக்னா. தமிழிலிருந்து கன்னடம், மலையாள படங்களில் நடிக்கச் சென்றவர் திரும்பவும் தமிழ் பக்கம் தலைகாட்டவில்லை. மலையாள, கன்னட படங்களில் மட்டுமே நடித்து வருகிறார். கன்னட நடிகர் சிரஞ்சீவி சார்ஜாவும், மேக்னாவும் காதலிப்பதாக கிசுகிசு வந்த வண்ணம் உள்ளது. ஆனால் இதை மேக்னா உறுதி செய்யவில்லை. ரசிகர்களோ, மீடியாவோ இதுபற்றி கேள்வி எழுப்பினால் அதை காதில் வாங்காமல் அடுத்த கேள்விக்கு சென்றுவிடுவார்.இந்நிலையில் தனது காதலை அவர் இணைய தளம் மூலம் வெளிப்படுத்தி இருப்பதாக திரையுலகினர் கூறுகின்றனர். சிரஞ்சீவி சார்ஜாவின் தம்பி துருவ சார்ஜாவுக்கு பிறந்த நாள். அவருக்கு வாழ்த்து கூறிய மேக்னா, துருவாவை மைத்துனர் என்ற அர்த்தம் தொணிக்க குறிப்பிட்டிருக்கிறார். இதன் மூலம் சிரஞ்சீவி சார்ஜாவுடனான காதலை அவர் மறைமுகமாக வெளிப்படுத்தி இருக்கிறார் என்கின்றனர்.
