ஹன்சிகாவின் 2 முக்கிய பிரார்த்தனை
10/7/2025 2:46:46 PM
ஹன்சிகா தினமும் பிரார்த்தனை செய்யும் பழக்கம் கொண்டவர். ஒவ்வொரு முறை பிரார்த்தனையில் ஈடுபடும்போதும் 2 விஷயத்தை மறக்காமல் வேண்டுவதை வழக்கமாக கொண்டிருக்கிறார். இதுபற்றி அவர் கூறியது: தினம் தினம் செய்யும் பிரார்த்தனையின்போது முக்கியமாக 2 வேண்டுதல் வைப்பேன். என்னை சுற்றி இருப்பவர்களை சந்தோஷமாக வைத்துக்கொள்ள வேண்டும் என்பது ஒன்று, அடுத்து மூச்சுவிடக்கூட நேரமில்லாதளவுக்கு பிஸியாக இருக்க வேண்டும் என்பது மற்றொன்று. நான் ஒரு உழைப்புக்கு அடிமையானவள். வேலையை நேசிக்கிறேன். சும்மாவே உட்கார்ந்து நேரத்தை வீணடிப்பதை நான் வெறுக்கிறேன்’ என்றார். ஆசைபட்டது போலவே இதுவரை அவரது வேண்டுதல் நடந்து வருகிறதாம். அரண்மனை 2, போக்கிரி ராஜா உள்பட கைநிறைய படங்களுடன் தற்போது அவர் நடித்து வருகிறார்.
