தேவிஸ்ரீ பிரசாத்துக்கு ராக்கி கட்ட சார்மி மறுப்பு
9/2/2025 2:09:35 PM
சார்மிக்கு பட வாய்ப்புகள் குறைந்துவிட்டது. அவருக்கு கைகொடுக்கும் எண்ணத்தில் புரி ஜெகனாத், ‘ஜோதிலட்சுமி’ படத்தில் ஹீரோயின் வாய்ப்பளித்தார். படம் தோல்வி அடைந்தது. இதற்கிடையில் புரி ஜெகநாத்துடன் சார்மி நெருக்கமாக பழகிவந்தார். இருவரும் காதலிக்கின்றனர். திருமணம் செய்துகொள்ளவுள்ளதாகவும் பரபரப்பாக பேசப்பட்டது. ஆனால் அப்படி எதுவும் நடக்கவில்லை.முன்னதாக இசை அமைப்பாளர் தேவி ஸ்ரீபிரசாத்துடன் சார்மி நெருக்கமாக பழகி வந்தார். இருவரும் காதலிப்பதாகவும் திருமணம் செய்துகொள்ள உள்ளதாகவும் கூறப்பட்டது. ‘நாங்கள் இருவரும் நட்பாக பழகுகிறோம் எங்களுக்குள் காதல் இல்லை’ என்று இருவரும் அவ்வப்போது கூறி வந்தனர். சமீபத்தில் ரக்ஷாபந்தன் விழா நடந்தது. அப்போது தேவிஸ்ரீ பிரசாத்தின் சகோதரர் சாகருக்கு கையில் ராக்கி கட்டிவிட்ட சார்மி, ‘கடவுள் எனக்கு தந்த சகோதரர்’ என்றார். அதேசமயம் தேவி பிரசாத்துக்கு சார்மி ராக்கி கட்டவில்லை. இது சார்மியின் மனதில் எழுந்துள்ள காதலை வெளிப்படுத்துவதாக அமைந்திருப்பதாக திரையுலகினர் கூறுகின்றனர். நடிகை ஸ்ரீதேவியும் அந்த காலத்தில் போனிகபூருக்கு ஒவ்வொரு வருடமும் ராக்கி கட்டிவந்தார். பிறகு அவரையே மணந்துகொண்டார். அதுபோன்ற தர்மசங்கடத்தை தவிர்க்கவே சார்மி தேவி பிரசாத்துக்கு ராக்கி கட்டவில்லை என கூறப்படுகிறது.
