சென்னை நவீன் பைன் ஆர்ட்ஸ் சார்பில் வெற்றியாளர் விருது வழங்கும் விழா
9/2/2025 1:57:19 PM
காஞ்சிபுரம்: சென்னை நவீன் பைன் ஆர்ட்ஸ், ஓபன் இண்டர்நேஷனல் யுனிவர்சிட்டி மற்றும் ஆல்டர் நேட்டிவ் மெடிஸன்ஸ் சார்பில், தொழிலில் சிறந்து விளங்குபவர்களுக்கு வெற்றியாளர் விருது மற்றும் டாக்டர் பட்டம் வழங்கும் நிகழ்ச்சி சென்னை ராஜா அண்ணாமலை மன்றத்தில் நேற்று முன்தினம் நடந்தது. ஆல்டர்நேட்டிவ் மெடிஷன்ஸ் தலைவர் செல்வராஜ் தலைமை வகித்தார். நிர்வாகி விஜய் வரவேற்றார். நவீன் பைன் ஆர்ட்ஸ் நிர்வாகி பன்னீர்செல்வம் முன்னிலை வகித்தார். இதில், காஞ்சிபுரம் வரமகாலட்சுமி சில்க்ஸ் உரிமையாளர் கோபிநாத்துக்கு, டாக்டர் பட்டத்தை பிரபல இசை அமைப்பாளர் சங்கர் கணேஷ் வழங்கினார். சென்னை ஐகோர்ட் நீதிபதி பொன்னுதுரை, ஓய்வுபெற்ற மாவட்ட நீதிபதி கணேசன், கல்வியாளர் அருள்மணி, பின்னணி பாடகி ஜீவவர்சினி உட்பட பலர் கலந்து கொண்டனர். தமிழ்மாறன் நன்றி கூறினார்.
