ஜெய் படத்திலிருந்து பிரபுதேவா விலகல்
4/29/2015 2:41:32 PM
ஜெய் ஹீரோவாக நடிக்கும் படத்தை திரு இயக்குகிறார். இதில் திரிஷா நடிப்பதாக இருந்தது. திரிஷா விலகியதால், அவருக்கு பதிலாக டாப்ஸி தேர்வு செய்யப்பட்டார். இதற்கிடையில் திரிஷா சகோதரியாக நடிக்க ஒப்புக்கொண்டிருந்த சிம்ரனும் திடீரென்று படத்திலிருந்து நீக்கப்பட்டிருக்கிறார். அவருக்கு பதிலாக சோனியா அகர்வால் நடிக்க உள்ளார். அதேபோல் சிம்ரன் ஜோடியாக பிரபு தேவா நடிப்பதாக இருந்தது. தற்போது அவருக்கு பதிலாக சமுத்திரக்கனி நடிக்க உள்ளார்.‘சிங் இஸ் பிளிங்’ இந்தி படத்தை இயக்குவதில் பிரபு தேவா பிசியாக இருப்பதால் அவரால் படத்தில் நடிக்க கால்ஷீட் ஒதுக்க முடியவில்லையாம். மேலும் ‘சிங் இஸ் பிளிங்’ படத்தை முடித்ததும் ரன்வீர் சிங் நடிக்கும் இந்தி படத்தை பிரபு தேவா இயக்க செல்கிறார். எனவேதான் அவர் திரு படத்தில் நடிக்க முடியாத நிலை உள்ளதாக அவரது தரப்பில் கூறப்படுகிறது.
