தீவிரவாதத்தை ராஜதந்திர கருவியாக பாகிஸ்தான் பயன்படுத்துகிறது: ரஷ்யாவில் ஜெய்சங்கர் பேச்சு
8/28/2019 4:57:48 PM
மாஸ்கோ: இந்திய வெளிவிவகாரத்துறை அமைச்சர் ஜெய்சங்கர், பாகிஸ்தான் தீவிரவாதத்தை ஒரு மாநிலக் கொள்கையாகவும், ஒரு ராஜதந்திர கருவியாகவும் பயன்படுத்துகிறத என தெரிவித்துள்ளார். ரஷ்யா சென்றுள்ள இந்திய வெளிவிவகாரத்துறை அமைச்சர் எஸ்.ஜெய்சங்கர், மாஸ்கோவில் அந்நாட்டு அதிகாரிகள் முன் பேசுகையில், ‘‘பாகிஸ்தானுடனான பிரச்னை மிகவும் வித்தியாசமானது. இன்று நீங்கள் சர்வதேச உறவுகளைப் பார்த்தால், உலகில் வேறு எந்த நாட்டையும் பற்றி நான் நினைக்க முடியாது, பாகிஸ்தான் உண்மையில் தீவிரவாதத்தை அதன் அண்டை நாடுகளுக்கு எதிரான ராஜதந்திர கருவியாகப் பயன்படுத்துகிறது. இது மிகவும் தனித்துவமான நிகழ்வு” என்றார்.
முன்னதாக, இருதரப்பு ஒத்துழைப்பை மேலும் மேம்படுத்துவதற்கும், பிரதமர் மோடியின் ரஷ்ய வருகைக்கான காரணங்களைத் தயாரிப்பதற்கும் ரஷ்ய பிரதிநிதி செர்ஜி லாவ்ரோவை ஜெய்சங்கர் சந்தித்தார். இதையடுத்து, வால்டாய் கிளப்பில் பேசிய ஜெய்சங்கர், ‘‘பிப்ரவரி 14ம் ேததி பாகிஸ்தான் நாட்டைச் சேர்ந்த ஜெய்ஷ்-இ-முகமது தீவிரவாதக் குழு நடத்திய புல்வாமா தாக்குதலுக்குப் பின்னர் இந்திய நிலைப்பாடு முற்றிலும் மாறிவிட்டது. இந்தியாவுக்கும் ஆப்கானிஸ்தானுக்கும் இடையிலான இணைப்பிற்கு பாகிஸ்தான் தடையாக உள்ளது. இந்தியாவும் ஆப்கானிஸ்தானும் ஏர் காரிடாரைத் தொடங்கின. இது இரு நாடுகளின் பல நகரங்களுக்கும் விரிவுபடுத்தப்பட்டுள்ளது” என்றார்.
