மோடி பதவியேற்பு விழாவில் கலந்துகொள்ள மு.க.ஸ்டாலினுக்கு அழைப்பு: டி.ஆர்.பாலு, ஆ.ராசா பங்கேற்பு
5/28/2019 3:40:03 PM
சென்னை: மோடி மீண்டும் பிரதமராக பதவியேற்கும் விழாவில் கலந்துகொள்ள திமுக தலைவர் மு.க.ஸ்டாலினுக்கு அழைப்பு விடுக்கப்பட்டுள்ளது. திமுக சார்பில் டி.ஆர்.பாலு, ஆ.ராசா கலந்துகொள்கின்றனர்.இந்திய பிரதமராக தொடர்ந்து 2வது முறையாக நரேந்திர மோடி நாளை மறுநாள் பதவியேற்கிறார். பதவியேற்பு விழாவில் மாநில முதல்வர்கள், மாநிலங்களின் முக்கிய தலைவர்கள், வெளிநாட்டு தலைவர்கள் உள்பட பலர் பங்கேற்கின்றனர். இந்நிலையில், மோடியின் பதவியேற்பு விழாவில் பங்கேற்க திமுக தலைவரும் தமிழக சட்டமன்ற எதிர்கட்சித் தலைவருமான மு.க.ஸ்டாலினுக்கு அழைப்பு விடுக்கப்பட்டுள்ளது. இந்த அழைப்பை ஏற்று மு.க.ஸ்டாலின் தரப்பில் திமுக முதன்மை செயலாளரும், நாடாளுமன்ற திமுக மக்களவை தலைவருமான டி.ஆர்.பாலு, ஆ.ராசா எம்பி ஆகியோர் கலந்துகொள்கின்றனர். அவர்கள் நாளை மறுநாள் காலை சென்னையில் இருந்து டெல்லி புறப்பட்டு செல்வார்கள் என்று எதிர்பார்க்கப்படுகிறது.
