வெளி ஊர்களில் இருந்து சென்னை வரும் ரயில்கள் பல மணி நேரம் ரயில் நிலையங்களில் நிறுத்தி வைப்பு: ரயில்வே நிர்வாகம் முடிவு
5/8/2025 5:43:42 PM
சென்னை: தண்டவாள பராமரிப்பு பணி காரணமாக 40 முதல் 200 நிமிடம் வரை சென்னைக்கு வரும் ரயில்கள் ஆங்காங்கே நிறுத்தி வைக்கப்படும் என்று தெற்கு ரயில்வே அறிவித்துள்ளது. இது குறித்து தெற்கு ரயில்வே வெளியிட்ட அறிக்கை: சென்னை வழிதடத்தில் விண்ணமங்கலம் - குடியாத்தம் இடையே தண்டவாள பராமரிப்பு பணி நடைபெறுகிறது. இதனால் 9ம் தேதி முதல் 12ம் தேதி வரை பல ரயில்கள் நிலையங்களில் நிறுத்தி வைக்கப்படும். மே 9ம் தேதி: கேஎஸ்ஆர் பெங்களூரு - சென்ட்ரல் விரைவு ரயில் (22626) விண்ணமங்கலம் ரயில் நிலையத்தில் 80 நிமிடமும், ஆலப்புழா - தான்பாத் (13352) விரைவு ரயில் வாணியம்பாடி ரயில் நிலையத்தில் 70 நிமிடமும், கேஎஸ்ஆர் பெங்களூரு - சென்ட்ரல் பிருந்தாவன் விரைவு ரயில் (12640) ஜோலார்பேட்டை ரயில் நிலையத்தில் 80 நிமிடமும், மைசூரு - சென்டரல் சதாப்தி விரைவு ரயில் (12008 ) ஜோலார்பேட்டையில் 25 நிமிடமும் நிறுத்தி வைக்கப்படும்.
ேம 10ம் தேதி: கேஎஸ்ஆர் பெங்களூரு - சென்ட்ரல் டபுள் டக்கர் ஏசி விரைவு ரயில் (22626) ஆம்பூர் ரயில் நிலையத்தில் 80 நிமிடமும், ஆலப்புழா - தான்பாத் (13352) விரைவு ரயில் விண்ணமங்கலம் ரயில் நிலையத்தில் 65 நிமிடமும், கேஎஸ்ஆர் பெங்களூரு - சென்ட்ரல் பிருந்தாவன் விரைவு ரயில் (12640) வாணியம்பாடி ரயில் நிலையத்தில் 60 நிமிடமும், மைசூரு - சென்டரல் சதாப்தி விரைவு ரயில் (12008 ) ஜோலார்பேட்டையில் 25 நிமிடமும் நிறுத்தி வைக்கப்படும்.
மே 11ம் தேதி: கேஎஸ்ஆர் பெங்களூரு - அரக்கோணம் பயணிகள் ரயில் ஜோலார்பேட்டை - அரக்கோணம் இடையே ரத்து செய்யப்படுகிறது. இதற்கு மாற்றாக இந்த வழித்தடத்தில் சிறப்பு ரயில் இயக்கப்படும். மைசூரு - தர்பங்கா விரைவு ரயில் (12578) ஆம்பூரில் 190 நிமிடமும் , கேஎஸ்ஆர் பெங்களூரு - காக்கிநாடா துறைமுகம் விரைவு ரயில் (17209) விண்ணமங்கலத்தில் 95 நிமிடமும், ஹவுரா - யஸ்வந்த்பூர் (12245 ) விரைவு ரயில் விண்ணமங்கலத்தில் 200 நிமிடமும், சென்ட்ரல் - மங்களூரு வெஸ்ட் கோஸ்ட் விரைவு ரயில் (22637) வளத்தூரில் 100 நிமிடமும் நின்று வைக்கப்படும்.
மே 12ம் தேதி: கேஎஸ்ஆர் பெங்களூரு - அரக்கோணம் பயணிகள் ரயில் ஜோலார் பேட்டை - அரக்கோணம் இடையே ரத்து செய்யப்படுகிறது. இதற்கு மாற்றாக இந்த வழித்தடத்தில் சிறப்பு ரயில் இயக்கப்படும். யஸ்வந்த்பூர் - ஹவுரா துரந்தோ விரைவு ரயில் (12246) விண்ணமங்கலத்தில் 120 நிமிடமும், கேஎஸ்ஆர் பெங்களூரு - காக்கிநாடா துறைமுகம் விரைவு ரயில் (17209) வாணியம்பாடியில் 100 நிமிடமும், யஸ்வந்பூர் - ஹவுரா துரந்தோ விரைவு ரயில் (12245) பச்சகுப்பத்தில் 195 நிமிடமும், சென்டரல் - மங்களூரு வெஸ்ட் கோஸ்ட் விரைவு ரயில் (22637) மேல்பட்டியில் 90 நிமிடமும் நின்று வைக்கப்படும்.
இவ்வாறு அதில் கூறப்பட்டுள்ளது.
