ஆதிபராசக்தி மெட்ரிக் பள்ளியில் முன்னாள் மாணவர்கள் சந்திப்பு
2/20/2019 2:53:36 PM
சென்னை: மேல்மருவத்தூர் ஆதிபராசக்தி மெட்ரிக் மேல்நிலைப்பள்ளியில் கடந்த 1992 முதல் 2005ம் ஆண்டு வரை படித்த முன்னாள் மாணவர்களுக்கு கற்பித்த ஆசிரியர்கள் மற்றும் அலுவலர்கள் சந்திப்பு நிகழ்ச்சி நடந்தது. ஆதிபராசக்தி குழுமப் பள்ளிகளின் தாளாளர் ஸ்ரீதேவி ரமேஷ், ஆதிபராசக்தி மருத்துவமனை இயக்குனர் ஜி.ரமேஷ் ஆகியோர் தலைமை வகித்தனர். சிறப்பு விருந்தினர்களாக நடிகர் மயில்சாமி, சிவா, நடிகை பூனம்பாஜ்வா, டிவி தொகுப்பாளினி வித்யாதிவ்யா, திரைப்பட இயக்குனர் ராஜேஷ் வி.செல்வா ஆகியோர் கலந்து கொண்டு சிறப்பித்தனர். விழாவில் பங்கேற்றவர்கள் தங்களின் இனிய நினைவுகளை பகிர்ந்து கொண்டனர். மாணவர்கள், ஆசிரியர்கள், அலுவர்கள் ஆகியோர், கடந்த காலங்களில் பள்ளியில் பணியாற்றிய மற்றும் படித்த அனுபவங்களை இன்றைய மாணவர், ஆசிரியர்களுடன் நினைவு கூர்ந்தனர்.
