அமலாபால் வரி ஏய்ப்பு விவகாரம் புதுவையில் மீண்டும் விசாரணை
11/7/2025 4:10:18 PM
புதுச்சேரி: புதுச்சேரியில் நடிகை அமலா பால் கடந்த ஆகஸ்ட் மாதம் உயர் ரக பென்ஸ் காரை வாங்கியுள்ளார். இதன் விலை ரூ.1.15 கோடி. இந்த காரை அவரது சொந்த மாநிலமான கேரளத்தில் வாங்கியிருந்தால் அரசுக்கு ரூ.23 லட்சம் வரை வரி கட்டியிருக்க வேண்டும். புதுச்சேரியில் ஒரு சதவீதம் மட்டும்தான் வரி என்பதால் ரூ. 1.15 லட்சம் வரை வரி கட்டிவிட்டு காரை எடுத்துச் சென்று நீண்ட நாட்களாக கேரளத்தில் பயன்படுத்தி வந்துள்ளார்.
இதுதொடர்பாக கேரள போக்குவரத்து துறை விசாரணை நடத்தி வருகிறது. இது தொடர்பாக ஏற்கனவே புதுவையிலும் விசாரணை நடத்தினர். இந்நிலையில், கேரளாவில் வசித்து கொண்டு புதுவையில் வாகனம் பதிவு செய்தவர்கள் குறித்த விவரங்களை திரட்ட 4 பேர் அடங்கிய கேரள போக்குவரத்துத்துறை அதிகாரி குழு நேற்று மீண்டும் புதுவை வந்து விசாரணை நடத்தியது.
