விளையாட்டு துளிகள்...
4/27/2017 2:58:45 PM
* பாங்காக்கில் சமீபத்தில் நடந்த சர்வதேச தேக்வாண்டோ போட்டியில், காஷ்மீரை சேர்ந்த மன்ஷா பஷீர் என்ற வீராங்கனை வெள்ளி பதக்கம் வென்றார். அவருக்கு ஜம்மு காஷ்மீர் முதல்வர் மெகபூபா முப்தி விருது வழங்கி பாராட்டினார்.
* இந்திய டெஸ்ட் அணியின் நட்சத்திர வீரர் புஜாரா, டி20 போட்டிகளிலும் தனது திறமையை நிரூபிப்பார் என இந்திய அணியின் முன்னாள் வீரர் வீரேந்திர சேவாக் நம்பிக்கை தெரிவித்துள்ளார்.
* காயங்கள் காரணமாகதான் இந்திய அணியில் இடத்தை பறிகொடுத்தேன் என இர்பான் பதான் கூறியுள்ளார். அணியில் தனக்கான இடம் பறிபோனதற்கு, முன்னாள் பயிற்சியாளர் கிரேக் சேப்பல் காரணமல்ல எனவும் அவர் தெரிவித்துள்ளார்.
* நடப்பு ஐபிஎல் சீசனில் இதுவரை 8 போட்டிகளில் விளையாடியுள்ள மும்பை அணி 6ல் வெற்றி பெற்றுள்ளது. பேட்டிங், பவுலிங் என அனைத்து துறைகளிலும் சமன்படுத்தப்பட்ட அணியாக இருப்பதே இந்த வெற்றிக்கு காரணம் என மும்பை அணியின் விக்கெட் கீப்பர் பார்த்தீவ் பட்டேல் கூறியுள்ளார்.
