ரியோ டி ஜெனிரோ: பிரேசில் நாட்டில் மலைப்பகுதியில் உள்ள சுற்றுலா தலத்தில் இருந்து பயணிகளை ஏற்றி வந்த பஸ்,  பள்ளத்தாக்கில் உருண்டு கவிழந்தது. இந்த விபத்தில் 42 பேர் பலியானார்கள். மேலும் 3 குழந்தைகள் உட்பட 18 பேர் படுகாயங்களுடன் மீட்கப்பட்டனர்.பிரேசில் நாட்டின் தெற்கே 1300 அடி உயர மலைப்பாங்கான பகுதியில் சான்டா காட்டரினா என்ற சுற்றுலா தலம் உள்ளது. இங்கு ஏராளமான வெளிநாட்டு மக்கள் சுற்றுலா வருகின்றனர். சான்டா காட்டரினா நகரில் இருந்து கடந்த சனிக்கிழமை இரவு 60 பயணிகளை ஏற்றிக்கொண்டு தலைநகர் ரியோ டி ஜெனிரோவுக்கு பஸ் ஒன்று கிளம்பியது. நள்ளிரவு நேரத்தில் அந்த பஸ் மலைபாதையில் இறங்கி கொண்டிருந்தபோது, ஒரு சாலை திருப்பத்தில் டிரைவரின் கட்டுப்பாட்டை இழந்து பள்ளத்தாக்கில் உருண்டு கவிழ்ந்தது.

இதுகுறித்து தகவல் அறிந்ததும் சான்டா காட்டரிகா நகர போலீசாரும் மீட்பு குழுவினரும் பொதுமக்களும் சம்பவ இடத்துக்கு விரைந்து சென்றனர். நள்ளிரவு நேரம் என்பதால், அவர்கள் டார்ச் வெளிச்சத்தில் மீட்பு பணிகளில் ஈடுபட்டனர்.பின்னர் நேற்று மதியம் வரை தொடர்ந்த மீட்பு பணியில், பஸ்ஸின் இடிபாடுகளுக்கு இடையே சிக்கிய 42 பேரின் உடல்கள் மீட்கப்பட்டன. மேலும் 3 குழந்தைகள் உட்பட 18 பேர் படுகாயம் அடைந்த நிலையில் மருத்துவமனையில் சிகிச்சைக்கு அனுமதிக்கப்பட்டனர். இந்த விபத்து குறித்து விசாரணை நடைபெறுகிறது என்று போலீசார் கூறுகின்றனர்.பிரேசில் நாட்டில்  ஒவ்வொரு ஆண்டும் வாகன விபத்துகளில் 43 ஆயிரம் பேர் இறக்கிறார்கள் என்பது குறிப்பிடத்தக்கது.

• ஆஸ்திரேலியாவில் பணிபுரியும் இந்தியாவை சேர்ந்த ஐடி ஊழியர் மாடியில் இருந்து விழுந்து பலி
  
• ரஷ்யாவில் கப்பல் கடலில் மூழ்கி 54 பேர் பரிதாப பலி
  
• மெக்சிகோவில் எண்ணெய் கிணற்றில் பயங்கர தீ விபத்து : 4 பேர் பரிதாப சாவு
  
• நைஜீரியாவின் புதிய அதிபர் புகாரிக்கு ஒபாமா வாழ்த்து
  
• ஏமனில் வான்வழி தாக்குதல் தீவிரம் : 35 தொழிலாளர்கள் பரிதாப பலி
  
• ஆபத்தான நாடுகள் பட்டியலில் பாகிஸ்தானுக்கு 8வது இடம் : ஆய்வில் தகவல்
  
• நைஜீரிய அதிபர் தேர்தல் ஆளும் கட்சி படுதோல்வி
  
• ஒபாமாவை கடத்த சொன்ன லண்டன் வேட்பாளர் மாற்றம்
  
• தந்தையின் சொந்த நாடான கென்யா நாட்டுக்கு செல்கிறார் ஒபாமா
  
• ஐஎஸ் தீவிரவாதிகள் மீது தாக்குதல் : கனடா பாராளுமன்றம் ஒப்புதல்