இன்டியன்வெல்ஸ்: இன்டியன்வெல்ஸ் ஓபன் டென்னிஸ் போட்டியில் அமெரிக்க வீராங்கனை செரீனா வில்லியம்ஸ், சுவிட்ஜர்லாந்தின் ரோஜர் பெடரர் ஆகியோர் வெற்றி பெற்று அடுத்த சுற்றுக்கு முன்னேறியுள்ளனர். அமெரிக்காவில் கலிபோர்னியா மாகாணத்தில் இன்டியன்வெல்ஸ் என்ற இடத்தில் பிஎன்பி பாரிபாஸ் ஓபன் டென்னிஸ் போட்டிகள் நடந்து வருகிறது. இன்று அதிகாலை நடந்த மூன்றாம் சுற்றுப்போட்டியில் முதல் நிலை வீராங்கனையான அமெரிக்காவின் செரீனா வில்லியம்ஸ், கசகஸ்தான் வீராங்கனை தியாசை எதிர் கொண்டார். இந்தப்போட்டியில் செரீனாவின் சர்வீஸ்கள் சிறப்பாக அமைந்திருந்தன. மேலும், அவரது பேஸ்லைன் ஷாட்களும் துல்லியமாக அமையவே, ஆட்டம் முழுவதும் தியாஸ் திணறினார். முதல் செட்டில் 2 கேம்களை மட்டுமே வென்ற தியாஸ், இரண்டாவது செட்டில் ஒரு கேமைக் கூட வெல்ல முடியாத நிலைக்கு தள்ளப்பட்டார். இதன் மூலம் செரீனா வில்லியம்ஸ் 6-2, 6-0 என நேர் செட்களில் தியாஸை வென்று அடுத்த சுற்றுக்கு முன்னேறினார்.

மற்றொரு மூன்றாம் சுற்றுப்போட்டியில் 7ம் நிலை வீராங்கனையான போலந்தின் அக்னீஸ்கா ராட்வான்ஸ்கா, பிரிட்டனின் ஹீதர் வாட்சனை எதிர்கொண்டார். இதில் அற்புதமான ஆட்டத்தை வெளிப்படுத்திய ஹீதர் வாட்சன், 6-4, 6-4 என நேர் செட்களில் அக்னீஸ்கா ராட்வான்ஸ்காவை வென்றார். வாட்சன் (22). முதல் முறையாக அக்னீஸ்காவை வென்றுள்ளது குறிப்பிடத்தக்கது. உலக தர வரிசையில் முதல் 10 இடங்களுக்குள் உள்ள வீராங்கனைகளுடன் இதுவரை 12 முறை மோதியுள்ள வாட்சன், முதல் முறையாக உலக தர வரிசையில் 8ம் இடம் வகிக்கும் வீராங்கனையை வென்றுள்ளார்.

மற்றொரு மூன்றாம் சுற்றுப்போட்டியில் அமெரிக்காவின் ஸ்லோன் ஸ்டீபன்ஸ், ரஷ்ய வீராங்கனை ஸ்வெட்லானா குஸ்னட்சோவாவை எதிர் கொண்டார். முதல் செட்டில் இரு வீராங்கனைகளும் சம பலத்தை வெளிப்படுத்தினர். இதனால், அந்த செட் டை பிரேக்கர் வரை சென்றது. அதில் செட்டை ஸ்டீபன்ஸ் வென்றார். ஆனால், இரண்டாவது செட்டில் அதிரடி ஆட்டத்தை வெளிப்படுத்திய குஸ்னட்சோவா, ஸ்டீபன்ஸின் சர்வீஸ்களை 2 முறை முறியடித்தார். இதன் மூலம் அந்த செட் குஸ்னட்சோவா வசமானது. வெற்றியாளரை நிர்ணயிக்கும் மூன்றாவது செட்டில் குஸ்னட்சோவா, தூண்டப்படாத தவறுகளைச் செய்தார். இதன் மூலம் அவரது சர்வீஸ் ஒரு முறை முறியடிக்கப்பட்டது. செட்டையும் இழக்க நேர்ந்தது. இந்த ஆட்டத்தில் ஸ்டீபன்ஸ் 7-6 (7-4), 1-6, 6-4 என்ற செட் கணக்கில் வென்று நான்காம் சுற்றுக்கு முன்னேறினார்.

ஆடவர் ஒற்றையர் பிரிவு இரண்டாம் சுற்று ஆட்டத்தில் 2ம் நிலை வீரரான ரோஜர் பெடரர் 6-4, 6-2 என நேர் செட்களில் அர்ஜென்டினாவின் ஸ்வாடர்ஸ்மேனை வென்று மூன்றாம் சுற்றில் நுழைந்தார். மற்றொரு இரண்டாம் சுற்றுப்போட்டியில் அமெரிக்காவின் ஜான்சன், குரேஷியாவின் இவா கார்லோவிக்குடன் மோதினார். இந்தப்போட்டியில் சிறப்பாக ஆடிய ஜான்சன் 6-3, 7-6 (7-5) என்ற செட்களில் கார்லோவிக் கை போராடி வென்றார்.

• ஐபிஎல் கிரிக்கெட் போட்டி பெங்களூருவுக்கு பின்னடைவு
  
• மியாமி ஓபன் டென்னிஸ் அரையிறுதியில் செரீனா
  
• நியூசிலாந்து கிரிக்கெட் அணிக்கு நல்ல எதிர்காலம் உள்ளது : வெட்டோரி, பாண்ட் கணிப்பு
  
• மியாமி ஓபன் டென்னிஸ் காலிறுதியில் ஜோகோவிச்
  
• பாக். தேர்வுக்குழு தலைவர் மொயீன் கான் அதிரடி நீக்கம் புதிய தலைவராக ஹாரூன் ரஷீத் நியமனம்
  
• மியாமி ஓபன் டென்னிஸ் காலிறுதியில் வில்லியம்ஸ் சகோதரிகள்
  
• இந்தியன் ஓபன் பேட்மின்டன் சாய்னா, ஸ்ரீகாந்த் சாம்பியன்
  
• மியாமி ஓபன் டென்னிஸ் நடால் அதிர்ச்சி தோல்வி
  
• சொந்த மண்ணில் ஆதிக்கம் அனைத்து பரிசுகளையும் அள்ளிய ஆஸி. வீரர்கள்
  
• பி.சி.சி.ஐ ஆபீஸை வெறுப்பேற்றும் பாக்., பங்களாதேஷ் ரசிகர்கள்