மதுராந்தகம் : சென்னை கிழக்கு கடற்கரை சாலையில் அரசு பஸ்சும் டேங்கர் லாரியும் மோதியது. இதில் 3 பேர் பரிதாபமாக உயிர் இழந்தனர். சென்னையில் இருந்து நாகப்பட்டினத்துக்கு அரசு பஸ் புறப்பட்டது. சென்னை- புதுச்சேரி கிழக்கு கடற்கரை சாலையில் இன்று அதிகாலை 1 மணி அளவில் சென்றுகொண்டிருந்தது. அப்போது பாண்டிச்சேரி இருந்து சென்னை நோக்கி டேங்கர் லாரி வந்தது. வெண்ணங்குபட்டு அருகே வரும்போது அரசு பஸ்சும் டேங்கர் லாரியும் நேருக்கு நேர்  மோதியது. இதில், அரசு பஸ் டிரைவர் நாகப்பட்டினத்தை சேர்ந்த இளங்கோவன்(40), சென்னை கோட்டூர்புரத்தை சேர்ந்த பயணி நடராஜன்(42), டேங்கர் லாரி டிரைவர் மதுராந்தகம் அருகேயுள்ள பெரும்பேர்கண்டிகை சேர்ந்த விஜயகுமார்(38) ஆகியோர் சம்பவ இடத்திலேயே உயிரிழந்தனர்.

பஸ்சில் சிக்கியவர்கள் கூச்சல் போட்டனர். அவர்களது சத்தம் கேட்டு அந்த பகுதியை சேர்ந்தவர்கள் சம்பவ இடத்துக்கு திரண்டு  வந்தனர். காயம் அடைந்தவர்களை மீட்கும் பணியில் ஈடுபட்டனர். விபத்து பற்றி தகவல் கிடைத்ததும் தகவல் சூணாம்பேடு போலீசார் சம்பவ இடத்துக்கு விரைந்தனர். படுகாயம் அடைந்த 5 பெண்கள் உட்பட 20 பேர் மீட்டு, புதுச்சேரி அரசு மருத்துவமனைக்கு அனுப்பி வைத்தனர். இதையடுத்து, சடலங்களை மீட்டு பிரேத பரிசோதனைக்காக மதுராந்தகம் அரசு மருத்துவமனைக்கு அனுப்பி வைத்தனர். இந்த விபத்தால் கிழக்கு கடற்கரை சாலையில் கடும் போக்குவரத்து நெருக்கடி ஏற்பட்டு, வாகனங்கள் ஸ்தம்பித்து நின்றது. போலீசார் சென்று போக்குவரத்தை சரிப்படுத்தினர். இதனால் சுமார் 2 மணி நேரம் பரபரப்பு ஏற்பட்டது.

• கன்னியாகுமரி கல்லூரி ஆண்டு விழாவில் மாணவ, மாணவிகள் பீர் குடித்து கும்மாளம் : மாணவி மயங்கியதால் பரபரப்பு
  
• கமிஷனர் அலுவலகத்தில் தீ குளிக்க வந்த பெண்ணால் பரபரப்பு
  
• மாற்றுத்திறனாளிகள் காலவரையற்ற உண்ணாவிரத போராட்டம் துவக்கம்
  
• இலங்கை பயணத்தை பயன்படுத்தி ஈழத் தமிழர்களுக்கு உரிமை பெற்றுத் தர மோடி நடவடிக்கை எடுக்க வேண்டும் : கருணாநிதி வலியுறுத்தல்
  
• சமயபுரம் கோயிலில் பூச்சொரிதல் விழா விடிய விடிய பக்தர்கள் பூத்தட்டுகள் எடுத்துவந்து அம்மனுக்கு சாற்றினர்
  
• வெயில் மாவட்டத்தில் பீர் விற்பனை விர்ர்ர்...
  
• மேகதாதுவில் அணை கட்டும் கர்நாடகாவை கண்டித்து சென்னையில் ஆர்ப்பாட்டம் : வைகோ பேட்டி
  
• தனி சட்டம் இயற்றி நடராஜர் கோயிலை அரசு ஏற்க வேண்டும் : மார்க்சிஸ்ட் எம்எல்ஏ வலியுறுத்தல்
  
• திம்பம் மலைப்பாதை வனப்பகுதியில் சிறுத்தைகளை கண்டறிய மனித பொம்மை
  
• அருவியில் மூழ்கி மாணவர் பலி