திருச்சி: ஸ்ரீரங்கம் ரயில் நிலைய அதிகாரிக்கு நேற்று மாலை மர்ம கடிதம் வந்தது. அந்த கடிதத்தில், ‘திருச்சி மாவட்ட போட்டோ கடை சங்க தலைவர் தியாகராஜன் முன்னிலையில் இந்த கடிதம் எழுதப்படுகிறது. எனக்கு புத்தூரில் முருகன் கடை வைத்திருக்கும் மோகன், முரளி ரூ.7 லட்சம் தரவேண்டும். அவன் அண்ணன் புருஷோத்தமனுக்கு கூட இது தெரியும். ஏற்கனவே புருஷோத்தமன் ரூ.2 லட்சம் வாங்கி தராமல் ஊரை விட்டு ஓடி விட்டான். தலைமறைவாக இருந்த புருஷோத்தமனை போட்டோ சங்கத் தலைவருக்கு தெரியும். தரவேண்டிய பணத்தை 9.3.2025 க்குள் தரவேண்டும். இல்லை என்றால் 18.3.2025 அன்று ஏற்கனவே கூறியபடி சக்திவாய்ந்த வெடிகுண்டு ஸ்ரீரங்கம் ரயில் நிலையத்தில்  வெடிக்கும். இப்படிக்கு கே.தியாகராஜன், தனபால் போட்டோ கடை, ராகவேந்திரபுரம் ஆர்ச், ஸ்ரீரங்கம்‘ என எழுதப்பட்டிருந்தது. மேலும் கடிதத்தில், ‘புருஷோத்தமன் போட்டோ எடுப்பவன், அடிக்கடி ஆள் வைத்து மிரட்டுகிறான்.

 இதனால் என் உயிருக்கு ஆபத்து என்பதை கவனத்துக்கு கொண்டு வருகிறேன்‘ என கூறப்பட்டிருந்தது. கடிதம் குறித்து நிலைய அலுவலர் உயரதிகாரி மற்றும் ரயில்வே போலீசாருக்கு  தெரிவித்தார். ரயில்வே போலீசார் விசாரித்து வருகின்றனர். கடந்த சில மாதங்களாக இதே முகவரியை குறிப்பிட்டு திருச்சி அரசு மருத்துவமனை, சத்திரம் பகுதியில் உள்ள டெய்லர் கடை, ஸ்ரீரங்கம் ரங்கநாதர் கோயில், ஸ்ரீரங்கம் மற்றும் லால்குடி ரயில் நிலையங்கள், அரியலூர் மாவட்டம் கல்லக்குடி, பழங்காநத்தம் ஆகிய ரயில் நிலையங்களுக்கு வெடிகுண்டு மிரட்டல் கடிதம் வந்தது.  ரயில்வே எஸ்பி ஆனிவிஜயா உத்தரவின்பேரில் தனிப்படை அமைக்கப்பட்டு மர்ம நபர்களை தேடி வருகின்றனர். விரைவில் குற்றவாளி சிக்குவார் என போலீசார் தெரிவித்தனர். நேற்று வரை அனுப்பப்பட்ட கடிதங்களின் எண்ணிக்கை 9 ஆகும்.

• கன்னியாகுமரி கல்லூரி ஆண்டு விழாவில் மாணவ, மாணவிகள் பீர் குடித்து கும்மாளம் : மாணவி மயங்கியதால் பரபரப்பு
  
• கமிஷனர் அலுவலகத்தில் தீ குளிக்க வந்த பெண்ணால் பரபரப்பு
  
• மாற்றுத்திறனாளிகள் காலவரையற்ற உண்ணாவிரத போராட்டம் துவக்கம்
  
• இலங்கை பயணத்தை பயன்படுத்தி ஈழத் தமிழர்களுக்கு உரிமை பெற்றுத் தர மோடி நடவடிக்கை எடுக்க வேண்டும் : கருணாநிதி வலியுறுத்தல்
  
• சமயபுரம் கோயிலில் பூச்சொரிதல் விழா விடிய விடிய பக்தர்கள் பூத்தட்டுகள் எடுத்துவந்து அம்மனுக்கு சாற்றினர்
  
• வெயில் மாவட்டத்தில் பீர் விற்பனை விர்ர்ர்...
  
• மேகதாதுவில் அணை கட்டும் கர்நாடகாவை கண்டித்து சென்னையில் ஆர்ப்பாட்டம் : வைகோ பேட்டி
  
• தனி சட்டம் இயற்றி நடராஜர் கோயிலை அரசு ஏற்க வேண்டும் : மார்க்சிஸ்ட் எம்எல்ஏ வலியுறுத்தல்
  
• திம்பம் மலைப்பாதை வனப்பகுதியில் சிறுத்தைகளை கண்டறிய மனித பொம்மை
  
• அருவியில் மூழ்கி மாணவர் பலி