தரங்கம்பாடி: நாகை மாவட்டம் தரங்கம்பாடி அடுத்த காலமாநல்லூரில் அரசு தொடக்க பள்ளி உள்ளது. ஜவஹர் தலைமையாசிரியராகவும், அசோக் ஆசிரியராகவும் பணியாற்றி வருகின்றனர்.  45 மாணவ, மாணவிகள் படித்து வருகின்றனர்.தலைமையாசிரியர் ஜவஹர் விடுப்பில் உள்ளார். அருகில் உள்ள ஆக்கூரை சேர்ந்த பார்த்திபன் என்பவரை ரூ.1000 சம்பளத்திற்கு அங்கு ஆசிரியராக பணி செய்யும்படி ஜவஹர் கூறியதாக தெரிகிறது. இதையடுத்து பார்த்திபன் கடந்த 4 நாட்களாக அங்கு ஆசிரியராக வேலை செய்து வந்தார்.ஆசிரியர் பார்த்திபன் 2 மற்றும் 3ம் வகுப்பு படிக்கும் மாணவிகளுக்கு பாலியல் அத்துமீறலில் ஈடுபட்டதாக மாணவிகள் சிலர் தங்கள் பெற்றோரிடம் கூறினர். இதனால் ஆத்திரமடைந்த பெற்றோர்களும், ஊர் மக்களும் நேற்று பள்ளிக்கு திரண்டு வந்து அங்கிருந்த பார்த்திபனை சரமாரியாக அடித்து உதைத்தனர். அப்போது  அங்கு வந்த தலைமையாசிரியர் ஜவஹரும் தாக்கப்பட்டார். பார்த்திபன் தப்பி ஓடினார்.

  ஜவஹரை பள்ளியில் மக்கள் சிறை வைத்தனர். செம்பனார்கோவில் உதவி தொடக்க கல்வி அலுவலர் குமார் பள்ளிக்கு வந்து விசாரணை நடத்தினார். அவரிடம் பெற்றோர் தங்கள் குழந்தைகளுக்கு ஏற்பட்ட நிலை குறித்து கூறி அழுதனர். பார்த்திபனை ஆசிரியராக தன்னிச்சையாக நியமித்த தலைமையாசிரியர் ஜவஹர் மீது நடவடிக்கை எடுக்க வேண்டும் என்று வலியுறுத்தினர்.உதவி தொடக்க கல்வி அலுவலர் குமார் கூறுகையில், ‘இச்சம்பவம் வருந்தத்தக்கது.  இது குறித்து சம்பந்தப்பட்ட ஆசிரியர் மன்னிப்பு கேட்டதால் பிரச்னை முடித்து வைக்கப்பட்டது. தன்னிச்சையாக ஆசிரியரை நியமித்த தலைமையாசிரியர் மீது நடவடிக்கை எடுக்க மாவட்ட கல்வி அதிகாரிக்கு பரிந்துரைக்கப்படும்‘ என்றார். இதை ஏற்றுக்கொண்ட மக்கள் கலைந்துசென்றனர். இதனால் அங்கு பரபரப்பு ஏற்பட்டது.

• கன்னியாகுமரி கல்லூரி ஆண்டு விழாவில் மாணவ, மாணவிகள் பீர் குடித்து கும்மாளம் : மாணவி மயங்கியதால் பரபரப்பு
  
• கமிஷனர் அலுவலகத்தில் தீ குளிக்க வந்த பெண்ணால் பரபரப்பு
  
• மாற்றுத்திறனாளிகள் காலவரையற்ற உண்ணாவிரத போராட்டம் துவக்கம்
  
• இலங்கை பயணத்தை பயன்படுத்தி ஈழத் தமிழர்களுக்கு உரிமை பெற்றுத் தர மோடி நடவடிக்கை எடுக்க வேண்டும் : கருணாநிதி வலியுறுத்தல்
  
• சமயபுரம் கோயிலில் பூச்சொரிதல் விழா விடிய விடிய பக்தர்கள் பூத்தட்டுகள் எடுத்துவந்து அம்மனுக்கு சாற்றினர்
  
• வெயில் மாவட்டத்தில் பீர் விற்பனை விர்ர்ர்...
  
• மேகதாதுவில் அணை கட்டும் கர்நாடகாவை கண்டித்து சென்னையில் ஆர்ப்பாட்டம் : வைகோ பேட்டி
  
• தனி சட்டம் இயற்றி நடராஜர் கோயிலை அரசு ஏற்க வேண்டும் : மார்க்சிஸ்ட் எம்எல்ஏ வலியுறுத்தல்
  
• திம்பம் மலைப்பாதை வனப்பகுதியில் சிறுத்தைகளை கண்டறிய மனித பொம்மை
  
• அருவியில் மூழ்கி மாணவர் பலி