திருச்சி: வைகுண்ட ஏகாதசியை முன்னிட்டு சகல விஷ்ணு ஆலயங்களிலும் நாளை சொர்க்க வாசல் திறக்கப்படுகிறது. ஸ்ரீரங்கம், திருப்பதி உள்ளிட்ட முக்கிய கோயில்களில் பக்தர்கள் குவிந்து வருகின்றனர்.பூலோக வைகுண்டம் என்ற சிறப்புக்குரிய ஸ்ரீரங்கம் ரங்கநாதர் கோயிலில் வைகுண்ட ஏகாதசி விழா கடந்த 21ம் தேதி திருநெடுந்தாண்டகம் நிகழ்ச்சியுடன் தொடங்கியது. பகல்பத்து உற்சவம் 22ம் தேதி தொடங்கியது. நம்பெருமாள் தினம் ஒரு அலங்காரத்தில் எழுந்தருளி பக்தர்களுக்கு காட்சி அளித்தார். பகல் பத்து நிகழ்ச்சியின் நிறைவு நாளான இன்று (31ம் தேதி) நம்பெருமாள் மோகினி அலங்காரத்தில் எழுந்தருளி பக்தர்களுக்கு காட்சி அளித்தார்.விழா முக்கிய நிகழ்ச்சியான சொர்க்கவாசல் திறப்பு நாளை (1ம் தேதி) அதிகாலை 5 மணிக்கு நடக்கிறது. அதிகாலை 3.45 மணிக்கு (விருச்சிக லக்னத்தில்) நம்பெருமாள் மூலஸ்தானத்தில் இருந்து ரத்தின அங்கி, பாண்டியன் கொண்டை, கிளிமாலை உள்பட பல்வேறு திருவாபரணங்கள் அணிந்து புறப்படுகிறார்.

ராஜமகேந்திரன் சுற்று வலம் வந்து நாழிகேட்டான் வாசல் வழியே குலசேகரன் திருச்சுற்றில் உள்ள தங்கக்கொடி மரத்தை சுற்றி துரைப்பிரகாரம் வழியாக சொர்க்கவாசல் எனப்படும் பரமபதவாசல் செல்கிறார். அதிகாலை 5 மணிக்கு சொர்க்கவாசல் எனப்படும் பரமபதவாசல் திறக்கப்படுகிறது. சொர்க்க¬வாசல் திறப்பையொட்டி, ஸ்ரீரங்கத்தில் பாதுகாப்பு பணியில் 5 ஆயிரம் போலீசார் ஈடுபடுத்தப்பட்டுள்ளனர். 24 கண்காணிப்பு கேமராக்கள் பொருத்தப்பட்டுள்ளன. ஸ்ரீரங்கத்தில் இன்றும், நாளையும் கட்டணமில்லா 3 வட்டப் பேருந்துகள் இயக்கப்படுகின்றன. 100 சிறப்பு பஸ்கள் இயக்கப்பட உள்ளன. இன்றும், நாளையும் அனைத்து எக்ஸ்பிரஸ் ரயில்களும் ஸ்ரீரங்கம் ரயில் நிலையத்தில் நின்று செல்கின்றன.திருப்பதி, சென்னை பார்த்தசாரதி கோயில் உள்பட தமிழகத்தில் உள்ள அனைத்து விஷ்ணு ஆலயங்களிலும் நாளை சொர்க்கவாசல் திறக்கப்படுகிறது.   

• ஜப்பானிய மூளை காய்ச்சல் தமிழகத்தில் வேகமாக பரவுகிறது: மத்திய அமைச்சர் அதிர்ச்சி தகவல்
  
• ஓசூரில் போலீஸ்காரரால் பாலியல் கொடுமைக்கு ஆளான 4 பெண்களுக்கு ரூ. 12 லட்சம் இழப்பீடு: தமிழக அரசுக்கு ஐகோர்ட் உத்தரவு
  
• விளையாட்டு போட்டியில் வென்றவர்களுக்கு நாளை பரிசு : சரத்குமார், ராதிகா பங்கேற்பு
  
• தேனியில் நியூட்ரினோ ஆய்வு திட்டத்தை கைவிட வேண்டும் : வைகோ வலியுறுத்தல்
  
• நெல் விலையை குவிண்டாலுக்கு ரூ. 3 ஆயிரம் உயர்த்த வேண்டும் : ஜி.கே.வாசன் வேண்டுகோள்
  
• தேர்வு முடிவு வெளியிடுவதில் அலட்சியம் கூட்டுறவு துறையை கண்டித்து 2வது நாளாக தர்ணா
  
• சென்னையில் பனிமூட்டம் : 24 விமானங்கள் தாமதம் பயணிகள் கடும் அவதி
  
• ஜல்லிக்கட்டுக்கு அனுமதி கோரி மதுரையில் நாளை ஆர்ப்பாட்டம்
  
• தமிழக அரசுக்கு திருமாவளவன் கோரிக்கை
  
• சென்னை 4 மாவட்ட பகுதி திமுக நிர்வாகிகள் தேர்வு