காஞ்சிபுரம்: காஞ்சிபுரம் பொன்னேரி கரையில் தடுப்புகளை மறைக்கும் வகையில் செடி, கொடிகள் மண்டி கிடக்கின்றன. இதனால்  விபத்துக்கள் ஏற்படும் அபாயம் உள்ளதால் வாகன ஓட்டிகள் அச்சப்படுகின்றனர். காஞ்சிபுரம் நகரின் நுழைவு பகுதியில் 700 ஏக்கர் பரப்பளவு கொண்ட பொன்னேரி ஏரி காஞ்சிபுரம் பொதுப்பணித் துறையின் பராமரிப்பில் இருந்து வருகிறது. சுமார் 1 கி.மீ. தூரம் கொண்ட இந்த ஏரிக்கரை, நெடுஞ்சாலைத்துறை சார்பில் போக்குவரத்துக்கு பயன்படுத்தப்பட்டு வருகிறது. இருவழி பாதையாக இருந்த இந்த ஏரிக்கரை கடந்த திமுக ஆட்சியின்போது, சுற்றுலாத் துறையின் பொது நிதியின் கீழ் 4 வழிப்பாதையாக மாற்றப்பட்டது. சாலையின் மையப்பகுதியில் அழகு செடிகள், அலங்கார விளக்குகள் அமைக்கப்பட்டன.

இதனால், இந்த ஏரிக்கரையில் வாகனங்கள் அதிவேகமாக செல்லத் துவங்கின. இந்த ஏரிக்கரை 30அடி உயரத்தில் இருப்பதால், இங்கு, விபத்துக்கள் ஏற்படுவதை தடுக்கும் வகையில், நெடுஞ்சாலை துறையினர் சாலையின் இரு புறங்களிலும் அலுமினிய தகடு தடுப்புகளை அமைத்தனர்.தற்போது, இந்த தடுப்புகள் செடி, கொடிகளால் மறைந்துள்ளன. இதைப் பற்றி நெடுஞ்சாலைத் துறை அதிகாரிகள் கண்டு கொள்ளாமல் மெத்தனமாக உள்ளனர். பொன்னேரி கரையில் பெரும் விபத்து ஏற்படுவதற்குள், சாலை ஓர  தடுப்புகளை மறைத்துள்ள செடி, கொடிகளை அகற்ற வேண்டும் என வாகன ஓட்டிகளும், பொதுமக்களும் கோரிக்கை விடுத்துள்ளனர்.

• திமுக பஞ்., தலைவர் வீட்டுக்கு தீ வைப்பு
  
• தீபாவளி முன்பணம் என்னாச்சு? பஸ் தொழிலாளர்கள் ஆவேசம்
  
• சென்னை, திருவள்ளூர், காஞ்சிபுரம் உள்ளிட்ட பாஜ மாவட்ட நிர்வாகிகளுடன் தமிழிசை ‘திடீர்’ ஆலோசனை
  
• என்எல்சியில் 39வது நாளாக ஸ்டிரைக்: மத்திய அமைச்சரை சந்திக்க தொழிற்சங்கங்கள் முடிவு
  
• விஜயகாந்த் தலைமையில் தேமுதிக மாவட்ட செயலாளர்கள் கூட்டம்: சென்னையில் 3 நாட்கள் நடக்கிறது
  
• ஏழுமலையான் அணிந்த புடவையுடன் பக்தர்களுக்கு ஆண்டாள் தரிசனம்
  
• சேலத்தில் நள்ளிரவில் அரசு பஸ், கார்களின் மீது கல் வீசி கண்ணாடி உடைப்பு
  
• திருச்செந்தூர் சுப்பிரமணிய சுவாமி கோயிலில் கந்த சஷ்டி திருவிழா 24ல் தொடக்கம்: 29ம் தேதி சூரசம்ஹாரம்
  
• ஜெயலலிதாவை பற்றிதான் முதல்வர் கவலைப்படுகிறார்: ஜி.ராமகிருஷ்ணன் குற்றச்சாட்டு
  
• ஊட்டியில் இறங்கிய ஹெலிகாப்டரால் பரபரப்பு