சென்னை: இந்தியாவின் அதிநவீன நேவிகேஷன் செயற்கை கோளான ஐ.ஆர்.என்.எஸ்.எஸ். 1-சியுடன், பிஎஸ்எல்வி ராக்கெட்  ஸ்ரீஹரிகோட்டாவில் இருந்து வரும் 16ம் தேதி அதிகாலை 1.32க்கு விண்ணில் செலுத்தப்பட உள்ளது. இதற்கான 67 மணி நேர கவுன்ட் டவுன் 13ம் தேதி காலை 6.32க்கு துவங்கும் என எதிர்பார்க்கப்படுகிறது. ஸ்ரீஹரிகோட்டாவில் இருந்து பிஎஸ்எல்வி சி-26 ராக்கெட் மூலம் ஐ.ஆர்.என்.எஸ்.எஸ். 1-சி செயற்கை கோள் இன்று அதிகாலை 1.56க்கு விண்ணில் செலுத்தப்படுவதாக இருந்தது. தொழில் நுட்ப கோளாறால், தேதி குறிப்பிடாமல் ராக்கெட் விண்ணில் செலுத்தும் திட்டத்தை விஞ்ஞானிகள் ஒத்தி வைத்தனர். இந்நிலையில், வரும் 16ம் தேதி ராக்கெட் விண்ணில் செலுத்தப்பட உள்ளது. இதுகுறித்து இஸ்ரோ வெளியிட்ட செய்திக் குறிப்பில் கூறியிருப்பதாவது: பிஎஸ்எல்வி சி-26 ராக்கெட் மூலம், ஐ.ஆர்.என்.எஸ்.எஸ். 1-சி செயற்கை கோள் வரும் 16ம் தேதி அதிகாலை 1.32 மணிக்கு விண்ணில் செலுத்தப்பட உள்ளது.

இதற்கான 67 மணி நேர கவுன்ட் டவுன், 13ம் தேதி காலை 6.32க்கு துவங்குகிறது. இதற்கான இறுதி கட்ட பணிகள் நடந்து வருகிறது. ஐ.ஆர்.என்.எஸ்.எஸ். 1-சி செயற்கைகோள் கடல்வழிப்பாதை, பேரிடர் மேலாண்மை, வாகனங்கள் கண்காணிப்பு உள்ளிட்ட பணிகளுக்கு உதவும். இந்த ரகத்தில் மொத்தம் 7 ராக்கெட்டுகள் விண்ணில் செலுத்தப்படும் என விஞ்ஞானிகள் ஏற்கனவே தெரிவித்திருந்தனர். அதன்படி கடந்த 2013 ஜூலை 1ம் தேதி ஐ.ஆர்.என்.எஸ்.எஸ். 1-ஏவும், கடந்த ஏப்ரல் 4ம் தேதி ஐ.ஆர்.என்.எஸ்.எஸ். 1-பியும் விண்ணில் செலுத்தப்பட்டன. இது 3வது செயற்கை கோளாகும். ஐ.ஆர்.என்.எஸ்.எஸ். 1-சி செயற்கைகோள் விண்ணில் செலுத்திய பிறகு, கர்நாடகா மாநிலத்தில் உள்ள ஹசன் மையத்தில் இதன் தகவல்களை சேகரிக்க திட்டமிடப்பட்டுள்ளது.

• திமுக பஞ்., தலைவர் வீட்டுக்கு தீ வைப்பு
  
• தீபாவளி முன்பணம் என்னாச்சு? பஸ் தொழிலாளர்கள் ஆவேசம்
  
• சென்னை, திருவள்ளூர், காஞ்சிபுரம் உள்ளிட்ட பாஜ மாவட்ட நிர்வாகிகளுடன் தமிழிசை ‘திடீர்’ ஆலோசனை
  
• என்எல்சியில் 39வது நாளாக ஸ்டிரைக்: மத்திய அமைச்சரை சந்திக்க தொழிற்சங்கங்கள் முடிவு
  
• விஜயகாந்த் தலைமையில் தேமுதிக மாவட்ட செயலாளர்கள் கூட்டம்: சென்னையில் 3 நாட்கள் நடக்கிறது
  
• ஏழுமலையான் அணிந்த புடவையுடன் பக்தர்களுக்கு ஆண்டாள் தரிசனம்
  
• சேலத்தில் நள்ளிரவில் அரசு பஸ், கார்களின் மீது கல் வீசி கண்ணாடி உடைப்பு
  
• திருச்செந்தூர் சுப்பிரமணிய சுவாமி கோயிலில் கந்த சஷ்டி திருவிழா 24ல் தொடக்கம்: 29ம் தேதி சூரசம்ஹாரம்
  
• ஜெயலலிதாவை பற்றிதான் முதல்வர் கவலைப்படுகிறார்: ஜி.ராமகிருஷ்ணன் குற்றச்சாட்டு
  
• ஊட்டியில் இறங்கிய ஹெலிகாப்டரால் பரபரப்பு