களக்காடு:களக்காடு அருகே நள்ளிரவில் விவசாயி வீட்டிற்குள் புகுந்த கரடி, பலாப்பழத்தை ருசித்து சாப்பிட்டது.களக்காடு மேற்கு தொடர்ச்சி மலையில் புலிகள் காப்பகம் அமைக்கப்பட்டு வனவிலங்குகள் பாதுகாக்கப்பட்டு வருகிறது. இங்கு வாழும் கடமான், கரடி, சிறுத்தை, யானை உள்ளிட்ட பல்வேறு விலங்குகள் அடிக்கடி மலையடிவார கிராமங்களில் புகுந்து பயிர்களை நாசம் செய்து வருகின்றன.இந்நிலையில் நேற்று நள்ளிரவில் வனப்பகுதியில் இருந்து வெளிவந்த கரடி, தலையணை மலையடிவாரத்தில் உள்ள சிவபுரம் கிராமத்திற்குள் புகுந்தது. பின்னர் அங்குள்ள விவசாயி தங்கபாண்டி (42) என்பவரது வீட்டிற்குள் நுழைந்தது. வீட்டில் அனைவரும் அயர்ந்து தூங்கிக் கொண்டிருந்தனர்.

கரடி புகுந்ததை அவர்கள் கவனிக்கவில்லை. வீட்டிற்குள் நுழைந்த கரடி அங்கிருந்த பலாப்பழத்தை ஒவ்வொன்றாக பிரித்து ருசித்து சாப்பிட்டது. அப்போது சத்தம் கேட்டதால் தங்கபாண்டி எழுந்து பார்த்தார். அங்கு கரடி பலாப்பழத்தை சாப்பிட்டுக் கொண்டிருந்தது. இதனால் அதிர்ச்சியடைந்த அவர், கரடி,கரடி என்று அபயக்குரல் எழுப்பினார். தங்கபாண்டியின் சத்தம் கேட்டு கரடி அங்கிருந்து ஓடிவிட்டது.இதுகுறித்து அவர் கூறுகையில், ‘காற்றுக்காக கதவை திறந்து வைத்து தூங்கிக் கொண்டிருந்தோம். அப்போது நள்ளிரவில் கரடி வீட்டிற்குள் புகுந்து பலாப்பழம் முழுவதையும் சாப்பிட்டு விட்டுச் சென்று விட்டது. நல்லவேளையாக கரடி எங்களை தாக்கவில்லை’ என்றார்.

• 68வது சுதந்திர தினவிழா கோலாகலம் : கோட்டையில் கொடியேற்றினார் முதல்வர்
  
• பாஸ்போர்ட் மோசடி அமைச்சர் ஜெயபால் மீது 15 நாளில் நடவடிக்கை: ஐகோர்ட் உத்தரவு
  
• கிணறு தோண்ட முன் அனுமதி விவசாயிகளை பாதிக்கும் சட்டத்தை நீக்க வேண்டும்: ராமதாஸ் அறிக்கை
  
• மாவட்ட காங். துணை தலைவராக வில்லிவாக்கம் சுரேஷ் நியமனம்
  
• மஸ்கட் விமானத்துக்கு வெடிகுண்டு மிரட்டல்: விமான நிலையத்தில் பரபரப்பு
  
• பழுதை சரி செய்தபோது மின்சாரம் பாய்ந்து ஊழியர் படுகாயம்
  
• வெளிமாநிலங்களில் இருந்து தமிழகத்துக்கு மின்சாரம் கொண்டு வருவதில் இடையூறுகளை நீக்க வேண்டும்: பிரதமருக்கு ஜெயலலிதா கடிதம்
  
• 4 ஆண்டுகளாக பள்ளிக்கு செல்ல முடியவில்லை அபூர்வ நோயால் அவதிப்படும் மாணவர்
  
• பெரியாறு அணைக்கு செல்ல புதிய படகு விரைவில் இயக்கம்: அதிகாரிகள் தகவல்
  
• ஈரோடு-கோவை பாசஞ்சரில் சிதறிக் கிடந்த மனித கழிவு: செப்டிக் டேங்க் ஆன ரயில் பெட்டி