பாட்னா: பீகாரில் ஆளும் ஐக்கிய ஜனதா தள அரசுக்கு எதிராக நம்பிக்கை இல்லா தீர்மானம் கொண்டு வர பாஜ முடிவு செய்திருப்பதாக அம்மாநில முன்னாள் துணை முதல்வர் சுஷில்குமார் மோடி தெரிவித்துள்ளார். பீகாரில் ஐக்கிய ஜனதா தள ஆட்சி நடைபெறுகிறது. நிதிஷ்குமார் முதல்வராக இருந்தார். மக்களவை தேர்தலில் ஐக்கிய ஜனதா தளம் படுதோல்வி அடைந்தது. இதற்கு பொறுப்பு ஏற்று முதல்வர் பதவியிலிருந்து நிதிஷ், கடந்த மே மாதம் விலகினார். அவரது ஆதரவாளர் ஜிதன் ராம் மன்ஜி தற்போது முதல்வராக பொறுப்பேற்றுள்ளார். கடந்த மே 23ம் தேதி புதிய அரசு மீது நம்பிக்கை தீர்மானம் கொண்டு வரப்பட்டது. காங்கிரஸ் மற்றும் லாலு கட்சி ஆதரவுடன் நம்பிக்கை தீர்மானத்தில் ராம் மன்ஜி வெற்றி பெற்றார். இந்நிலையில், கடந்த வாரம் மாநிலங்களவை தேர்தல் நடைபெற்றது. இதில் ராம் மன்ஜியின் தலைமையை பிடிக்காத ஐக்கிய ஜனதா தளத்தை சேர்ந்த 18 எம்எம்ஏக்கள், கட்சிக்கு எதிராக வாக்களித்தனர். இதை தொடர்ந்து, ஐக்கிய ஜனதா தள அரசு மைனாரிட்டி அரசாக மாறிவிட்டதாக எதிர்கட்சியான பாஜ குற்றம் சாட்டியுள்ளது.

அரசுக்கு எதிராக நம்பிக்கை இல்லா தீர்மானம் கொண்டுவரவும் பாஜ திட்டமிட்டுள்ளது. இது குறித்து பாஜ தலைவரும், முன்னாள் துணை முதல்வருமான சுஷில்குமார் மோடி அளித்த பேட்டி:ராம் மன்ஜி அரசு கடந்த மே 23ம் தேதி நடைபெற்ற நம்பிக்கை வாக்கெடுப்பில் வெற்றி பெற்றது. ஆனால், தற்போது நிலைமை மாறிவிட்டது. அரசுக்கு எதிராக ஐக்கிய ஜனதா தளத்தை சேர்ந்த 18 எம்எல்ஏக்கள் மாநிலங்களவை தேர்தலில் வாக்களித்துள்ளனர். லாலு கட்சியை சேர்ந்த 2 எம்எல்ஏக்களும் ஆளும் கட்சி வேட்பாளர்களுக்கு எதிராக வாக்களித்துள்ளனர். அரசுக்கு ஆதரவு அளிப்பதாக லாலு கட்சி அறிவித்துள்ளது. இருப்பினும், அவர்கள் எழுத்து பூர்வமாக கவர்னரிடம் கடிதம் கொடுக்கவில்லை. புதிதாக நம்பிக்கை வாக்கெடுப்பு நடத்தப்பட்டால் அரசு பிழைப்பது சந்தேகம். பீகார் சட்டமன்ற கூட்ட தொடர் வரும் 27ம் தேதி தொடங்குகிறது. இந்த கூட்ட தொடரில் அரசுக்கு எதிராக நம்பிக்கை இல்லா தீர்மானம் கொண்டு வருவது குறித்து பாஜ எம்எல்ஏக்கள் கூட்டத்தில் விவாதிக்கப்படும். இவ்வாறு மோடி கூறினார்.

• ஒரே குடும்பத்தில் 5 பேர் அணையில் மூழ்கி பலி
  
• மார்க்சிஸ்ட் கட்சியை சேர்ந்த பெண்களை பலாத்காரம் செய்ய இளைஞர்களை அனுப்புவேன் திரிணாமுல் காங்கிரஸ் எம்பி தபஸ்பால் பேச்சால் சர்ச்சை
  
• ஏழுமலையான் கோயில் லட்டு பிரசாதத்தில் கல்
  
• நரேந்திர மோடி வெற்றியை எதிர்த்து அலகாபாத் ஐகோர்ட்டில் வழக்கு
  
• லேட்டாக வந்த 40 ஊழியர்களை வீட்டுக்கு அனுப்பிய அமைச்சர்
  
• இந்தியாவில் சராசரியாக 4 நிமிடத்துக்கு ஒருவர் தற்கொலை தமிழகம் முதலிடம்
  
• 1 லட்சம் கோடி பட்ஜெட் தெலங்கானா முதல்வர் திட்டம்
  
• நாடு முழுவதும் கட்டிட விபத்துகளில் தினம் 7 பேர் உயிரிழப்பு தேசிய குற்ற ஆவண மையம் தகவல்
  
• பால்கனி சுவர் விழுந்து வாலிபர் படுகாயம்
  
• நைஜீரியாவில் சர்ச் மீது தீவிரவாதிகள் திடீர் தாக்குதல் 30 பேர் பலி