சிவகாசி: சிவகாசி அருகே பட்டாசு ஆலை யில் ஏற்பட்ட வெடி விபத்தில் தொழிலாளர்கள் 2 பேர் படுகாயமடைந்தனர். விருதுநகர் மாவட்டம் சிவகாசி அருகே ஆண்டியாபுரத்தில் செல்வகணேஷ்(29) என்பவருக்கு சொந்தமான பட்டாசு ஆலை உள்ளது. இங்கு 50க்கும் மேற்பட்ட அறைகளில் பட்டாசு தயாரிக்கப்படுகிறது. நேற்று மாலை பணி முடிந்த பின்னர் கழிவு பட்டாசுகளை தொழிலாளர்கள் சேகரித்தனர். இதனை அழிப்பதற்காக ஆலை அருகே இருக்கும் காலி இடத்திற்கு கொண்டு சென்றனர். அப்போது எதிர்பாராமல் உராய்வு ஏற்பட்டதால் தீப்பற்றியதில் கழிவு பட்டாசுகள் வெடித்து சிதறின. இதில், ஆலை தொழிலாளர்கள் மீனம்பட்டியைச் சேர்ந்த சுப்புராஜ் மகன் ராஜூ(23), அதே ஊரைச் சேர்ந்த பரமன் மகன் சுப்பிரமணி(55) இருவரும் படுகாயமடைந்தனர். இவர்கள் சிகிச்சைக்காக சிவகாசி அரசு மருத்துவமனையில் அனுமதிக்கப் பட்டனர். ஆபத்தான நிலையில் இருந்த ராஜூவை, மதுரை அரசு மருத்துவமனைக்கு அனுப்பி வைத்தனர். விபத்து குறித்து சிவகாசி கிழக்கு போலீசார் வழக்குப்பதிவு செய்து விசாரித்து வருகின்றனர்.

• அரசாணையை மீறி இடமாற்றம் துப்புரவு ஊழியர்கள் போராட்டம்
  
• கடலில் விழுந்த மீனவர் சாவு
  
• தஞ்சை செங்கிப்பட்டி யாகப்பா பள்ளி புதிய கட்டிடம் ஜி.கே.வாசன் திறந்து வைத்தார்
  
• ராம.நாராயணன் உடலுக்கு கருணாநிதி அஞ்சலி
  
• சீசன் டிக்கெட் உள்பட ரயில் கட்டண உயர்வு நாளை முதல் அமல்
  
• கொலையான இந்து முன்னணி தலைவர் சுரேஷ்குமார் குடும்பத்துக்கு ரூ10 லட்சம் இழப்பீடு விசுவ இந்து பரிஷத் வலியுறுத்தல்
  
• தனியார் பள்ளிகளில் இடஒதுக்கீடு மெட்ரிக் கல்வி துறையின் ஆணைக்கு ராமதாஸ் எதிர்ப்பு
  
• பொறையார் அருகே அரசு பள்ளியில் சத்துணவு சாப்பிட்ட 32 மாணவர்களுக்கு வாந்தி மயக்கம் கெட்டுப்போன முட்டை காரணமா?
  
• வயலுக்கு சென்றபோது பாம்பு கடித்து பெண் பலி
  
• குண்டுவெடிப்பு வழக்கு தீவிரவாதிகள் 3 பேரிடம் பெங்களூரில் விசாரணை