புதுடெல்லி: வருமான வரியில் பெண்களுக்கு சிறப்பு சலுகை அளிக்க பிரதமர் மோடி தலைமையிலான மத்திய அரசு திட்டமிட்டுள்ளது. பிரதமர் நரேந்திரமோடி தலைமையிலான மத்திய அரசின் முதல் பட்ஜெட் வரும் 10ம் தேதி நாடாளுமன்றத்தில் தாக்கல் செய்யப்படுகிறது. நிதி அமைச்சர் அருண் ஜெட்லி பட்ஜெட்டை தாக்கல் செய்கிறார். இந்த பட்ஜெட்டில் வருமானவரி விலக்கு வரம்பு ரூ. 3 லட்சமாக உயர்த்தி அறிவிக்கப்படும் என எதிர்பார்க்கப்படுகிறது. 2012&13 பட்ஜெட்டின் போது ஆண், பெண் இருவருக்கும் வருமான வரி விலக்கு வரம்பு ரூ. 2 லட்சமாக நிர்ணயிக்கப்பட்டது. அதற்கு முந்தைய ஆண்டுகளில் பெண்களுக்கு ரூ. 10 ஆயிரம் வரை கூடுதல் சலுகை அளிக்கப்பட்டிருந்தது. இந்நிலையில் பெண்களுக்கு அளிக்கப்பட்டு வந்த வருமான வரி சிறப்பு சலுகையை மீண்டும் அறிமுகப்படுத்த பிரதமர் மோடி தலைமையிலான மத்திய அரசு முடிவு செய்துள்ளது. இந்த முறை ரூ. 25 ஆயிரம் முதல் ரூ. 50 ஆயிரம் வரை சிறப்பு சலுகை பெண்களுக்கு வழங்கப்படும் என எதிர்பார்க்கப்படுகிறது. அதாவது ஆண்களுக்கு ரூ. 3 லட்சம் வரை விலக்கு அளிக்கப்படுமானால் பெண்களுக்கு ரூ. 3.25 லட்சம் அல்லது ரூ. 3.50 லட்சம் வரை விலக்கு அளிக்கப்படலாம் என எதிர்பார்க்கப்படுகிறது. தற்போது 65 வயதை கடந்த முதியோர்களுக்கு வருமான வரியில் சலுகை அளிக்கப்படுகிறது. இந்த வயது வரம்பை 60ஆக குறைக்கும் திட்டமும் மத்திய அரசிடம் இருப்பதாக நிதி அமைச்சக வட்டாரங்கள் தெரிவித்தன.

• மாயாவதி கட்சி 2 எம்எல்ஏக்கள் டிஆர்எஸ் கட்சியில் இணைந்தனர்
  
• B40 ஆயிரம் கோடியில் புதிய சாலை திட்டங்கள் நிதின் கட்கரி அறிவிப்பு
  
• ரயில் கட்டண உயர்வுக்கு தடை விதிக்க மும்பை ஐகோர்ட் மறுப்பு
  
• உணவு பொருள் பண வீக்கத்தை கட்டுப்படுத்த மாநில அமைச்சர்களுடன் ஜூலை 4ல் ஆலோசனை மத்திய அரசு அழைப்பு
  
• பீகார் ஐக்கிய ஜனதா தள அரசுக்கு எதிராக நம்பிக்கை இல்லா தீர்மானம் பாஜ தலைவர் சுஷில்குமார் மோடி பேட்டி
  
• பீகாரில் தண்டவாளத்தில் குண்டுவெடித்தது ராஜ்தானி எக்ஸ்பிரஸ் ரயில் தடம் புரண்டு 4 பேர் பலி மாவோயிஸ்ட் அட்டூழியம்
  
• மியான்மருக்கு விரைவில் பஸ் போக்குவரத்து நரேந்திர மோடியின் புதிய திட்டம்
  
• காங். தலைவர் திக்விஜய் சிங் டிவி நடிகையை மணக்கிறார்
  
• மனைவியை கொல்ல முயன்ற வழக்கு சிறையில் தப்பியோட முயன்ற கைதி டிரான்ஸ்பார்மர் மீது விழுந்து பலி இன்ஸ்பெக்டர் சஸ்பெண்ட்
  
• சாலை விபத்தில் உயிர் பலி டெல்லிக்கு முதல் இடம்