மதுரை:மதுரை காமராஜர் சாலை சிஎம்ஆர் ரோட்டில் ஏஏ பிரைவேட் தெரு உள்ளது. இங்கு ஒருவர் டூவீலர் வாட்டர் சர்வீஸ் சென்டர் நடத்தி வருகிறார். இங்கிருந்து வெளியேறும் கழிவுநீர் தெருவில் குளம் போல் தேங்குகிறது. இதனால், கழிவு நீரை தாண்டி வீடுகளுக்கு செல்ல வேண்டி உள்ளது. இதனால், வாட்டர் சர்வீஸ் சென்டரை இடம் மாற்ற கோரி, முன்னாள் கலெக்டர் அன்சுல் மிஸ்ராவிடம் பொதுமக்கள் புகார் அளித்தனர். மாசு கட்டுப்பாட்டு வாரிய அதிகாரிகள் ஆய்வு நடத்தி, உரிய நடவடிக்கை எடுக்க அன்சுல் மிஸ்ரா உத்தரவிட்டார். இந்நிலையில் அன்சுல் மிஸ்ரா மாற்றப்பட்டார். கலெக்டர் மாறியதும் மாசு கட்டுப்பாட்டு வாரிய அதிகாரிகள் நடவடிக்கை எடுக்காமல் விட்டுவிட்டனர்.

இந்நிலையில், இதே பிரச்னைக்காக தற்போதைய கலெக்டர் சுப்பிரமணியனிடம், 10 நாட்களுக்கு முன்பு மக்கள் மனு கொடுத்தனர். அந்த மனு மீது நடவடிக்கை எடுக்காத நிலையில், அப்பகுதியை சேர்ந்த பெண்கள், குழந்தைகளுடன் இன்று அதிகாலை கலெக்டர் பங்களா நுழைவு வாயில் முன்பு அமர்ந்து தர்ணா போராட்டம் நடத்தினர். தகவல் அறிந்து வந்த தல்லாகுளம் போலீசார், பெண்களுடன் பேச்சுவார்த்தை நடத்தினர். அதில் உடன்பாடு ஏற்படாததால், 23 பெண்களை குழந்தைகளுடன் போலீசார் கைது செய்தனர். இப்போராட்டத்தால் கலெக்டர் பங்களா பகுதியில் பரபரப்பு ஏற்பட்டது.

• பழங்கால சிலைகளை பாதுகாக்க கோயில்களில் கேமரா
  
• தவளைகளுக்கு தாலி கட்டி திருமணம் : மழை பெய்ததால் மக்கள் குஷி
  
• கோத்தகிரி அருகே திடீர் நிலச்சரிவு
  
• இறந்தவரின் குடும்பத்துக்கு நஷ்டஈடு வழங்காத அரசு பஸ் ஜப்தி
  
• ஈரோடு கூட்டுறவு தணிக்கை உதவி இயக்குனர் அலுவலகத்தில் லஞ்ச ஒழிப்பு போலீஸ் ரெய்டு
  
• குன்னூரில் பரபரப்பு 30 ஆண்டுகளாக இருந்த தீண்டாமை சுவர் அகற்றம் அதிகாரிகள் முன்னிலையில் நடவடிக்கை
  
• துப்பாக்கியுடன் சுற்றியவர்களை பிடிக்க தீவிரம் அமராவதி, உடுமலை வனப்பகுதியில் அதிரடி படை வேட்டை தொடங்கியது
  
• இலங்கையில் சட்டவிரோதமாக காவலில் உள்ள 35 மீனவர்களை மீட்க வேண்டும் மத்திய அரசுக்கு வைகோ அறிக்கை
  
• முட்டை வாங்கிய மாணவர்கள் பாஸ் சென்னை பல்கலை அதிகாரிகள் மேலும் 20 பேர் சிக்குகின்றனர்
  
• அமைச்சர் பெயரில் இறப்பு சான்றிதழ் மதுரை மாநகராட்சி கான்ட்ராக்டர் கைது அதிமுக கவுன்சிலர் மகன் சிக்கினார்