தஞ்சை: தஞ்சை பெரிய கோயில் அகழி நிரம்பி ஊருக்குள் வெள்ளம் புகுந்தது. இதனால் தஞ்சையில்  பரபரப்பு ஏற்பட்டுள்ளது.கல்லணையில் இருந்து கல்லணை கால்வாய் வழியாக திறக்கப்படும் தண்ணீர் புது ஆறாக தஞ்சை பெரிய கோயில் அருகே ஓடுகிறது. புது ஆற்றில் இருந்து பெரிய கோயிலை சுற்றியுள்ள அகழியில் தண்ணீர் நிரப்பப்படும். நேற்று அகழிக்கு தண்ணீர் விடப்பட்டது. அகழி நிரம்பி கோயிலின் பின்பக்கம்  உள்ள மேல அலங்கம் வழியாக நேற்று இரவு ஜெபமாலைபுரம் குடியிருப்பு பகுதியில் 2 தெருக்களில் வெள்ளம் புகுந்தது. இதனால் அந்த பகுதி முழுவதும் வெள்ளக்காடானது. காலையில் வெள்ளம் மேலும் அதிகரித்தது. இதனால் வீதிகளில் மக்கள் நடமாட முடியாத நிலை ஏற்பட்டது.

தகவல் அறிந்ததும் இன்று காலை நகராட்சி ஊழியர்கள் மற்றும் மக்கள் அகழி கரையை அடைக்கும் பணியில் ஈடுபட்டனர். ஆனாலும் 10 மணி வரை அடைக்க முடியவில்லை. தண்ணீர் அதிகரித்து கொண்டே இருந்தது. மேல அலங்கத்தை சேர்ந்த ராமன் என்பவர் கூறுகையில், புது ஆற்றில் சரியாக தூர் வாராததால் தண்ணீர் தாராளமாக செல்ல முடியவில்லை. இதுபோல பெரிய கோயில் அகழியும் இது வரை பராமரிப்பு இன்றி இருந்தது. இதனால் தண்ணீர் செல்ல முடியாமல் வெளியேறுகிறது. மேட்டூர் அணை நிரம்பி வந்த நிலையிலேயே இதை சீரமைத்திருக்க வேண்டும். அதிகாரிகள் அலட்சியத்தால் இன்று தஞ்சைக்குள் வெள்ளம் புகுந்து விட்டது என்றார்.

• கலவரம் வெடித்ததால் ஊரடங்கு : உத்தரபிரதேசத்தில் ராணுவம் குவிப்பு
  
• 10க்கு ஒரு லிட்டர் தண்ணீர் அம்மா மினரல் வாட்டர் திட்டம் 15ல் முதல்வர் துவக்கி வைக்கிறார்
  
• பாஜ பிரதமர் வேட்பாளராக மோடி அடுத்த வாரம் அறிவிப்பு
  
• 7860 கோடி செலவில் கிராமப்புற மக்களுக்கு 2.5 கோடி செல்போன் 30 நிமிடம் டாக் டைம் 30 எஸ்எம்எஸ் 30எம்பி இணையம் ப்ரீ
  
• தெலங்கானாவுக்கு எதிர்ப்பை கண்டித்து இன்ஜினியரிங் மாணவன் தற்கொலை
  
• 10 மாவட்டங்கள் ஸ்தம்பிப்பு தெலங்கானாவில் பந்த் ஐதராபாத்தில் டென்ஷன் பஸ், ரயில், ஆட்டோ ஓடவில்லை அரசு ஊழியர்கள் மீது கல்வீச்சு
  
• ஆந்திராவில் சோகம் : குட்டையில் மூழ்கி 3 சிறுவர்கள் பலி
  
• கேரள கோயில்களில் குவிந்து கிடக்கும் தங்கம் எவ்வளவு? தகவல் கேட்கிறது ரிசர்வ் வங்கி
  
• அசராம் பாபு பலாத்கார வழக்கு விரைவு நீதிமன்றத்தில் விசாரணை அட்வகேட் ஜெனரல் தகவல்
  
• வன்சரா கடிதம் அடிப்படையில் நரேந்திரமோடியிடம் விசாரணை? சிபிஐ மறுப்பு