மேல்மலையனூர்: மேல்மலையனூரில் 5 குடிசை வீடுகள் மர்மமான முறையில் தீப்பிடித்து எரிந்தன. பேய் பார்த்ததால் குடிசைகள் எரிந்ததாக கிராம மக்கள் பீதியில் உறைந்து உள்ளனர். இதற்காக பரிகார பூஜை நடத்த முடிவு செய்து உள்ளனர். விழுப்புரம் மாவட்டம் மேல்மலையனூர் அம்பேத்கர் நகரைச் சேர்ந்தவர் குள்ளம்மாள். இவரது குடிசை வீடு, நேற்று மதியம் 12 மணியளவில் திடீரென தீப்பிடித்து எரிந்தது. வீட்டில் இருந்தவர்கள் உடனடியாக வெளியேறி தப்பினர். அப்பகுதி மக்கள் குடிசை வீட்டில் பற்றிய தீயை அணைக்க முயன்றனர். அப்போது அதே பகுதியைச் சேர்ந்த சந்திரன், சுசிலா, தனபாக்கியம், புருஷோத்தமன் ஆகியோரது வீடுகள் அடுத்தடுத்து மர்மமான முறையில் தீப்பிடித்தன.

தகவலறிந்த மேல்மலையனூர் தீயணைப்பு நிலைய வீரர்கள் விரைந்து சென்று தீயை அணைத்தனர். பணியில் ஈடுபட்டனர். அதற்குள் குடிசைகள் முழுவதும் எரிந்து சேதமானது. தீ விபத்து குறித்து குள்ளம்மாள் கூறுகையில், ‘எங்கள் பகுதிக்கு குடுகுடுப்பைக்காரர் ஒருவர் வந்தார். 10 வீடுகள் தீப்பற்றி எரியும் என கூறினார். அதே போல் கடந்த மாதம் 5 வீடுகள் எரிந்தது. தற்போது 5 வீடுகள் அடுத்தடுத்து மர்மமான முறையில் தீப்பிடித்துள்ளது. பேய் பார்த்ததால் தான் இது நடந்துள்ளது’ என்றார். அப்பகுதி மக்களும் பேய் பார்த்ததால் தான் வீடுகள் எரிவதாக கூறுகின்றனர். பேய் பீதியை போக்க கோயிலில் பரிகார பூஜை நடத்த முடிவு செய்து உள்ளனர்.

• மும்பையில் இருந்து அவசரமாக திரும்பினார் கமல்ஹாசன் : முத்தரப்பு பேச்சுவார்த்தை இன்று பிற்பகல் நடக்கிறது
  
• கவர்னர் உரை ஏமாற்றம் அளிக்கிறது : என்.ஆர். தனபாலன் அறிக்கை
  
• கடும் குளிரில் மாரடைப்பு : கொடைக்கானல் ஸ்டேஷனில் மயங்கி விழுந்து ஏட்டு சாவு
  
• கடும் வறட்சி, உணவு பற்றாக்குறை எதிரொலி : கிராமங்களில் நுழையும் யானைகளை விரட்டியடிக்க வனத்துறை திணறல்
  
• புதுவை முதல்வர் வீட்டை ஊழியர்கள் முற்றுகை : போலீஸ் தடியடியால் பரபரப்பு
  
• சேலம் ஜங்ஷன் அருகே பரபரப்பு : தண்டவாளத்தில் இரும்பு ராடு
  
• கமல் சென்னை திரும்புகிறார் : மாலையில் முத்தரப்பு கூட்டம்
  
• காஞ்சிபுரம் பஸ் நிலையத்தில் சுகாதாரமற்ற கழிவறைகள் : பயணிகள் கடும் அவதி
  
• கிருஷ்ணா கால்வாயில் விழுந்த சிறுவனை தேடும் பணி தீவிரம்
  
• மாப்பிள்ளை மீது தாக்குதல் : பொன்னேரி போலீஸ் நிலையத்தை உறவினர்கள் முற்றுகை