| |||||
|
2013
12
Jan  ஐதராபாத்: ஆந்திராவில் முஸ்லிம் கட்சி எம்எல்ஏ ஒருவர் கைது செய்யப்பட்டதை கண்டித்து நேற்று ஐதராபாத்தில் சார்மினார் பகுதி அருகே திடீர் போராட்டம் நடைபெற்றது. போராட்டக்காரர்கள் நடத்திய கல்வீச்சு தாக்குதலில் 6 போலீசார் உள்பட 15 பேர் காயமடைந்தனர். ஆந்திர மாநிலத்தில் எம்ஐஎம் என்ற முஸ்லிம் கட்சியை சேர்ந்த எம்எல்ஏ அக்பருதீன் ஓவாசி கடந்த 8ம் தேதி போலீசாரால் கைது செய்யப்பட்டார். பொதுக்கூட்டம் ஒன்றில் மதகலவரத்தை தூண்டும் வகையில் பேசியதாக அவர் மீது குற்றம் சாட்டப்பட்டது. அவரை ஒரு வாரம் போலீஸ் காவலில் எடுத்து விசாரிக்க நேற்று அடிலாபாத் நீதிமன்றத்தில் மனு தாக்கல் செய்யப்பட்டது. இந்த மனுவை கோர்ட் விசாரித்து, இன்று முதல் 5 நாட்கள் அவரை போலீஸ் காவலில் விசாரிக்க அனுமதி வழங்கியது. எம்எல்ஏ கைதுக்கு எதிர்ப்பு தெரிவித்து ஐதராபாத்தில் வன்முறை சம்பவங்கள் நடைபெறலாம் என எதிர்பார்க்கப்பட்டது. 
மேலும் சில
| |
பிரதி எடுக்க
