புதுடெல்லி: ‘எனது மகன் தலை கிடைக்கும் வரை எனக்கு அமைதி இல்லை‘ என காஷ்மீர் எல்லையில் கொல்லப்பட்ட ராணுவ வீரரின் தாய் கண்ணீரோடு கூறினார். காஷ்மீர் பூஞ்ச் மாவட்ட எல்லை பகுதியில் சில தினங்களுக்கு முன்பு பனி மூட்டத்தை பயன்படுத்தி 600 மீட்டர் தூரத்துக்கு ஊடுருவிய பாகிஸ்தான் படையினர், இந்திய ராணுவ வீரர்கள் மீது திடீர் துப்பாக்கி சூட்டில் ஈடுபட்டனர். இதில் 2 வீரர்கள் கொல்லப்பட்டனர். அவர்களின் தலையை பாகிஸ்தான் வீரர்கள் துண்டாக வெட்டினர். ஒருவரின் தலையை எடுத்து சென்று விட்டனர். பாகிஸ்தான் படையின் செயல் மனித தன்மையற்றது என கூறிய இந்தியா, அந்நாட்டு அரசுக்கு கடும் கண்டனம் தெரிவித்துள்ளது.

இச்சம்பவத்தால் எல்லை பகுதியில் பதற்றமான சூழ்நிலை நிலவி வருகிறது. இதற்கிடையில், பாகிஸ்தான் படை தாக்குதலில் பலியான வீரர்களுள் ஒருவரான லேன்ஸ் நாயக் ஹேம்ராஜின் உடல் உ.பி. மாநிலம் மதுராவில் உள்ள அவரது சொந்த ஊருக்கு நேற்று கொண்டு வரப்பட்டது. முழு ராணுவ மரியாதையுடன் தகனம் செய்யப்பட்டது. ஹேமராஜுக்கு தர்மாவதி என்ற மனைவியும், நிர்மலா (8), காலோ (3) என்ற மகள்களும் பிரின்ஸ் என்ற மகனும் உள்ளான். ஹேம்ராஜின் தாய் மீனா கூறுகையில், ‘என் மகனின் தலை கிடைக்கும் வரை எங்களுக்கு அமைதி கிடையாது. அவனது தலையை கூடிய விரைவில் மீட்டு தர வேண்டும்‘ என்று கண்ணீரோடு தெரிவித்தார்.

• 1000 ஆண்டுகள் பழமையான திருப்பதி ஏழுமலையான் ஆபரணங்கள் அருங்காட்சியகத்தில் வைக்க ஏற்பாடு
  
• இந்திய வீரரின் தலை கிடைக்காததால் பதற்றம் : எல்லையில் படைகள் குவிப்பு, போர் மூளும் அபாயம்
  
• நாளை மகரவிளக்கு பூஜை : சபரிமலையில் பக்தர்கள் வெள்ளம்
  
• இந்தியா - பாக் படைகள் மீண்டும் துப்பாக்கி சண்டை : ஊடுருவல் முயற்சி முறியடிப்பு
  
• புதுகை அருகே இன்று விபத்து : சென்னையை சேர்ந்த 3 பேர் பலி
  
• நாளை போகி கொண்டாட்டம் டயர், பிளாஸ்டிக் எரித்தால் சட்டப்படி கடும் நடவடிக்கை
  
• 4வது நாளாக பாகிஸ்தான் துப்பாக்கிசூடு : எல்லையில் பதற்றம் நீடிப்பு
  
• மாவோயிஸ்ட்களுக்கு வெடிகுண்டு பாகிஸ்தானில் இருந்து சப்ளை
  
• திருப்பதியில் பாதயாத்திரை பக்தர்களுக்கு தரிசன டிக்கெட் வழங்கும் நேரம் நீட்டிப்பு
  
• ஆந்திராவில் எம்எல்ஏ கைதை கண்டித்து திடீர் போராட்டம் : கல்வீச்சில் 15 பேர் காயம்